Ji bo vegera endamên PKKê bo Turkiye yasayek tê dariştin

BBC Turk

Gerîlayên Partiya Karkerên Kurdistanê

Partiya Dad û Geşepêdanê (AKP ji bo pêşvebirina pêvajoya Aştiyê bi awayekî zêdetir yasayekê amade dike: Bingeha yasayî ji bo pênaseya "rêxistina PKK ya xwe hilweşiyayî dê were danîn.

Piştî biryara Partiya Karkerên Kurdistanê (PKK) ya şewitandina çekan, Komîsyona Hevgirtina Neteweyî, Biratî û Demokrasiyê) ya Civata Mezin ya Neteweyî ya Turkiye dest bi xebata xwe ya ji bo avakirina binesaziya rêziknameyên yasayî kiriye, di heman demê de partiya desthilatdar jî li ser pêşniyarên rêziknameyên yasayî kar dike.

Di vê çarçoveyê de, Partiya Dad û Geşepêdanê (AKP) pilan dike ku rêziknameyên wekî vegera endamên rêxistina PKKê ji bo Turkiye û ji nû ve tevlîbûna wan ya civakê, endametiya rêxistinê û alîkarî û tevlêbûna rêxistinê di yek yasayê de bicivîne.

Armanca yasayê ew e ku bingeha yasayî ji bo pênaseya "rêxistina terorîst ya ku biryar daye xwe hilweşîne û bêçek bike" ava bike.

Komîsyona Hevgirtina Neteweyî, Biratî û Demokrasiyê) ya ku li Civata Mezin ya Turkiye hatiye damezrandin, îro demjimêr 14:00an dê civîna xwe ya sêyemîn saz bike.

Ev yek di demekê de ye ku piştî banga Ebdula Ocalan ya di heyva Sibatê de ji bo ku Partiya Karkerên Kurdistanê (PKK) kongreyekê li dar bixe û pêvajoyek bê çekbûnê ya tevahî dest pê bike, PKKê di heyva Gulan ya sala 2025an de ragihand ku ew ê bi fermî hilweşe û dev ji têkoşîna xwe ya çekdarî berde.

Bi bersiva vê bangê, PKKê roja 11ê Tîrmeh ya heyva 2025an de pêngava yekem ya fermî ber bi bêçekbûnê avêt, ku komek gerîlayên PKKê ku hejmara wan 15 xurt û 15 keç bûn çekên xwe danîn û di merasîmekê de li gundewarê parêzgeha Silêmaniyê hatin lidarxistin, ew têk birin, ev pêngav piştî zêdetirî çar dehsalan têkoşîna çekdarî xalek girîng nîşan da.

PUKMEDIA