Ukrayna dev ji beşek ji axa xwe ya di bin kontrola Rûsya de ber dide

Medya

Serokê Ukraynayê Voldomir Zelensky

Rojnameyeke Birîtanî ragihand ku Ukrayna razî bûye ku beşek ji axa xwe ya di bin kontrola Rûsya de ye berde,serokê wî welatî jî daxwaz dike ku axa wan zêdetir bi Rûsya neyê dayîn.

Li gorî raportek Rojnameya Telegraph ya Birîtanî, Ukrayna di çarçoveya pilana aştî û agirbestê ya bi piştgiriya Ewropa de, pêşniyar kiriye ku dev ji axa ku berê di bin kontrola Rûsya de bû berde.

Rojnameyê behsa wê yekê kiriye ku Serokê Ukrayna Volodymyr Zelensky ji serkirdeyên Ewropî re gotiye: Divê ew her rêkeftinek ya ku ji hêla Donald Trump ve tê pêşniyarkirin û têdê zêdetir Ukrayna axa radest bike red bikin.

Serokê Ukrayna ragihand ku ew amade ye ku rê bide Rûsya ku beşek ji wan deverên dagirkirî yên xwe, di nav de Luhansk, Donetsk, Zaporizhya, Xerson û Kirimê, biparêze.

Nermbûna helwesta Ukrayna di demekê de tê ku civîna Trump-Putin ya roja Înê ku li eyaleta Alaska dê were sazkirin dilgiraniyên serkirdeyên Ewropî zêdetir kiriye ku ditirsin Serokê Amerîka Donald Trump li ser berjewendiyên Ukrayna bi Rûsya re rêkeftinan bike.

Ev yek di demekê de ye ku, şerê Ukrayna û Rûsya roja 24ê Sibat ya sala 2022an de dest pê kir; û ji bilî ziyanên madî, Rûsya ji sedî 20ê axa Ukrayna jî kontrol kiriye.

PUKMEDIA