Erdogan: Turkiye welatê Turk,Kurd, Ereb û hemû pêkhateyan e

NTV Turk

Serokkomarê Turkiye Recep Teyîp Erdogan

Serokkomarê Turkiye piştî civîna kabîneyê di daxuyaniyekê de bal kişand ser girîngiya (Komîsyona Hevgirtina Neteweyî, Biratî û Demokrasiyê) ku di Parlemana Turkiye hatiye damezrandin û got: Em bi hevre xwînê rawestînin, êş û hêstiran kêm bikin.

Civîna kabîneyê ya ku bi serokatiya Serokê Giştî yê Partiya Dad û Geşepêdanê (AKP) û Serokomar Recep Teyîp Erdogan li devera Beştepeyê duh hat sazkirin ku yek demjimêr û 40 xulekan berdewam kir , piştî civînê Erdogan daxuyanî da û bal kişand ser girîngiya (Komîsyona Hevgirtina Neteweyî, Biratî û Demokrasiyê) ku di çarçoveya proseya çareseriya pirsgirêka Kurd de li Parlemana Turkiye beriya demekê hatibû damezrandin.

Serokkomar aşkere kir ku hefteya borî ji bo vê armancê pêngaveke watedar hatibû avêtin û got: Ev (Komîsyona Hevgirtina Neteweyî, Biratî û Demokrasiyê) ku bi beşdariya partiyên opozisyonê hatibû damezrandin, ji bo ku parlemana me ku cihê vîna neteweyî ye, xwedî li vê pêvajoyê derkeve, gelekî girîng e lewra em ji ber vê xwedîderketinê gelekî kêfxweş in; û tekez kir ku biryarên (Komîsyona Hevgirtina Neteweyî, Biratî û Demokrasiyê) bi yekdengî hatine girtin, ev jî pêşveçûneke hêvîdar e û em hêvî dikin ku ev nêzîkatiya avaker dewam bike.

Erdogan amaje bi girîngiya yekîtî û hevgirtina pêkhateyên kir û got: Ev dewleta Turkiye, bi Turk, Kurd û Ereb, dewleta her yek ji 86 milyon kesan e. 

Erdogan got: Em hemû xwediyên hîm û bingehîn yên Komara Turkiyê ne, her çend e şêwazên jiyana me, nêrînên me yên siyasî û ramanên me ji hev du cuda bin jî, ev yek tiştekî naguherîne û  em piştgirî, hevkariyên û rexneyên her kesî girîng dibînin û (Komîsyona Hevgirtina Neteweyî, Biratî û Demokrasiyê) li gorî bendewariyên gelê me erkên xwe cî bi cî bike û emê jî bi her awayekî piştgiriyê bidin xebata wê komisyonê.

Erdogan diyar kir ku roja Înê ya borî, Wezîrên Parastina Neteweyî û Karên Navxwe û Serokê Dezgeha Hewalgiriya Turkiye (MÎT) ji (Komîsyona Hevgirtina Neteweyî, Biratî û Demokrasiyê) re pêşkêşiyeke berfireh kiribûn û gotibûn: Emê bi hevre xwînê rawestînin, êş û hêstiran kêm bikin.

PUKMEDIA