Serok Bafil: Em êdî nahêlin jiyana gelê me bikeve xetereyê

Nivîsgeha Ragihandinê ya Serok Bafil

Bafil Celal Talebanî û Dr. Mihemed Hesen

Bafil Celal Talabanî, Serokê Yekîtiya Niştimanî ya Kurdistanê (YNK) li Debaşan pêşwaziya Mihemed Hesen, Nûnerê Taybet ê Sekreterê Giştî yê Neteweyên Yekbûyî yê li Îraqê kir.

Di civînê de li ser pirsgirêkên siyasî, ewlehî û aborî yên li Herêma Kurdistanê, Îraq û herêmê nîqaş hatin kirin û tekezî li ser pabendbûna bi têgihîştin û çareserkirina pirsgirêkan bi rêya destûrê hat kirin.

Serok Bafil tekezî li ser pêwîstiya yekkirina hewildanan ji bo çareserkirina pirsgirêka mûçeyên xelkê Herêma Kurdistanê kir û got ku dirêjkirina vê pirsgirêkê dê bandorê li ser aramiya welatê me bike, ji ber vê yekê çareseriya herî baş ji bo her kesî pabendbûna bi peymanan e.

Hilbijartinên parlamentoya Îraqê mijarek din a civînê bû, her du aliyan tekezî li ser pêwîstiya lidarxistina hilbijartinên paqij û dadperwer kirin.

PUKMEDIA