Rêberê ruhî yê Drûziya daxwazek ji Konseya Ewlekariyê dike

Ajans

Şêx Hîkmet Hîcrî

Rêberê ruhî yê Drûziya bang li Neteweyên Yekbûyî û Konseya Ewlehiyê ya Navneteweyî kir ku bûyerên li Suweydayê lêkolîn bikin û daxwaza parastina sivîlan kir.

Şêx Hîkmet Hîcrî, Rêberê ruhî yê Drûziya dibêje:"Em bang li Neteweyên Yekbûyî û Konseya Ewlehiyê ya Navneteweyî dikin ku dawî li vê bêdengiya kujer a li dijî me bînin û lêpirsînek navneteweyî serbixwe vekin  li ser tawanên  li Suweydayê hatine kirin, û kesên ku di van tawanan de beşdar in bişînin Dadgeha Cezayê Navneteweyî.’’

Rêberê ruhî yê Durziyan her wiha daxwaz dike:"Şandina mîsyonek çavdêriyê ya navneteweyî ji bo parastina sivîlan, û her wiha hewl bidin ku hemî cûreyên piştgiriya siyasî û leşkerî ji bo komên terorîst ên li dora Suweydayê rawestînin, lê em ê serî li welatên garantor bidin da ku zextê li ser hikûmeta defakto ya Sûriyeyê bikin da ku peymana agirbestê bicîh bîne û binpêkirin û êrîşkariya ku di dema damezrandina vê peymanê de qewimî, ku em pabend in, dubare nebe.

Şêx Hîkmet Hîcrî tekezî li ser pêwîstiya vekişandina hemû milîs û komên çekdar ên li derveyî sînorên rêveberiya Suweydayê kir da ku kurên me vegerin gund û malên xwe. 

PUKMEDIA