Nêzîkî 300 Gilî li dijî Ecac hatine tomarkirin

PUKMEDIA

Ecac Ehmed Herdan

Îro, 9ê Tebax ya sala 2025an roja dawî ya tomarkirina gilî û gazindeyên li dijî tawanbar Ecac e  ku di dema borî de girtina wî ji aliyê Nivîsingeha Xanima Yekem a Îraqê ve hatibû ragihandin, li gorî  zanyariyên PUKMEDIA, nêzîkî 300 gilî li dijî tawanbar hatine vekirin.

Dilşad Mecîd, Serokê Komîteya Wergirtina Gilî û Gazindeyan li Silêmaniyê, ji PUKMEDIA re ragihand ku dawiya dema tomarkirina gilî û gazindeyên li dijî Ecac îro Şemî demjimêr 4ê piştî nîvro rêkefta (09-08-2025) an e, û got: Heya niha nêzîkî 50 gilî li cem komîteya me hatine tomarkirin ku piraniya gilîkar jin in.

Her weha aşkere kir ku, hemû gilîkar bi xwe şahidê tawanên Ecac in, yan tawanên li dijî wan hatine kirin bûn ku di giliyan de gelekî tawanên hovane hene, ku tawanbar li dijî jin, zarok û mêrên Kurd encam dabû.

Navbirî got: Îro karên komîteyan li Çemçemal û Kelarê jî bi dawî dibe; û li gorî zanyariyên me, bi navînî nêzîkî 300 kesan gilî tomar kirine, ku piraniya wan li bajarên Kelar û Çemçemalê ne.

Serokê Komîteya Wergirtina Giliyan li Silêmanî derbarê Ecac amaje bi wê yekê kir ku,pêvajo gelekî baş bi rêveçûye,û pilan wekî xwe hate danîn û bi awayekî baştir hatiye cî bi cîkirin ku di nav giliyan de giliyên pir xurt jî hene.

Roja 31ê Tîrmeh ya sala 2025an, Nivîsingeha Xanima Yekem ya Îraqê girtina tawanbarekî helmetên Enfalê bi navê "Ecac Ehmed Herdan" ku serpereştê girtîgeha Nugre Selman bû, ragihand,ku Ecac sitemek zêde li zîndaniyên Kurd kiribû.

Her weha Dilşad Mecîd, Serokê Komîteya Wergirtina Gilî û Gazindeyan li Silêmaniyê bang li girtiyan, xizmên girtiyan û kesên winda kiribû ku ji bo gilîkirina li dijî tawanbar peywendiyan bi wî re bikin û tekez kir ku îro dema dawî ya tomarkirina gilîkirinê ye.

PUKMEDIA