Serokkomar: Divê dadperwerî ji bo Êzidiyan bê peyda kirin

Nivîsingeha Ragihandina Serokatiya komarê

Dr. Letîf Cemal Reşîd, Serokkomarê Îraqê

Serokkomarê Îraqê Dr.Letîf Cemal Reşîd bi boneya 11.ehemîn salvegera karesata komkujiya Êzidiyan ji aliyê  terorîstên DAIŞ'ê ve li Koşka Bexdayê pêşwazî li şandeyek e jinên Êzidî, Turkmen û Şebek yên ji destî  DAIŞê rizgarbûyî kir.

Di civînê de, ku îro, 3ê Tebaxa 2025an, hat sazkirin, Serokkomar destnîşan kir ku zarokên pêkhateya Êzdî û pêkhateyên din rastî kiriyarên hovan e yên DAIŞê bûne ew wekî tawanek e jenosîdê tê hejmartin û mirovahî jê şerm dike.

Serokkomar tekezî li ser pêwîstiya dabînkirina ewlehiyê ji bo deverên pêkhateya Êzdî û ji nû ve avakirin û vejandina deverên wan kir daku penaber dubare vegerin cih û warên xwe, û aramiyê bi dest bixin, ji bilî vekirina derfetan ji bo beşdarîkirina wan di saziyên dewletê yên cûr û bi cûr de û sûdgirtin ji şarezabûn û jêhatîbûna wan.

Ji aliyê xwe ve, endamên şandeya jinên rizgarbûyî; spasiya Serokkomar kirin ji bo piştgirî û baldariya wî ya ji bo doza Êzîdiyan, bi taybetî jinên ku ji aliyê grûpên DAIŞê ve hatine revandin.

Her weha gotûbêj li ser pêşketinên dawî yên derbarê vê dozê û hindek pirsgirêk û astengiyên hene ku ew pêre rû bi rû dimînin kirin.

PUKMEDIA