Nirxê neftê berdewam dadikeve

PUKMEDIA

Nirxê Neftê

Nirxê Nefta xav îro roja Sêşemê, 29ê Nîsana 2025an, kêm bûye, ji ber ku veberhêneran ji ber şerê bazirganî yê berdewam di navbera Emrîka û Çînê de du aboriyên herî mezin yên cîhanê, hêviyên xwe yên mezinbûna daxwazê kêm kirin.

Peymanên pêşerojê yên nefta xav ya Birênt bi 44 Sentan, an jî %0.7, daket 65.42 Dolar serê bermîlekê heta demjimêr 04:00 GMT. Peymanên pêşerojê yên nefa xav ya West Texas ya Emrîkî bi 40 Sentan, an jî %0.6, daket 61.65 Dolar serê bermîlekê, her du pîvan jî roja Duşemê ji 1 Dolarî zêdetir daketin.

Li gorî piraniya aborînasên di anketa Reutersê de, hewldana Serokê Emrîka Donald Trump a ji nûve şekildana bazirganiya cîhanê bi sepandina bacên gumrikê li ser hemî hawirdeyên Emrîkî astengiyek mezin çêkiriye ku aboriya cîhanî îsal bikeve nav qeyranê.

Çîn, ku bi bacên herî bilind bandor bûye, bi bacên xwe yên li dijî hawirdeyên Emrîkî bersiv daye, û şerekî bazirganî di navbera du welatên sereke yên xerckerên neftê de gur kiriye,ev yek bûye egera ku şirovekar pêşbîniyên xwe yên daxwaz û nirxê neftê bi tundî kêm bikin.

Her wiha, balê dikişîne ser civîna OPEC+ ya 5ê Gulanê, ku têde welatên endam dikarin zêdekirina hilberînê ji bo çareserkirina dînamîkên dabînkirina cîhanî bifikirin, di heman demê de, faktorên jeopolîtîk - di nav de danûstandinên nukleerî yên DYA-Îranê û rageşiyên herêmî li Rojhilata Navîn jî hesta bazarê şekil didin.

Ev hejmar dilgiraniyên weberhêneran li ser zêdebûna dabînkirina cîhanî nîşan didin, di heman demê de bazarên neftê ji ber ne zelaliya li ser nakokiyên bazirganî yên di navbera Çîn û Emrîka de, du bikarhênerên wuze yên herî mezin yên cîhanê de, ne aram dimînin, û bendewariyên kêmbûna daxwaza sotemeniyê zêde dikin.

Di heman demê de, danûstandinên etomî yên bi Îranê re faktorek din e di guhertina bazara neftê de, eger nefta Îranê bi bandor vegere bazarê, mîqdarên mezin ji petrola Îranê dê werin hilberandin û dabînkirina cîhanî zêde bikin û dibe ku bibe sedema kêmbûna bêtir a nirxan.

PUKMEDIA