Qubad Talebanî: Têkîliyên xwe yên navdewletî pêş dixin

PUKMEDIA

Qubad Talebanî di Foruma Aborî ya Delphi de li Yûnan`ê

Foruma Aborî ya Delphi de li Yûnan`ê berdewam e di karên xwe û Cîgirê Serokwezîrên herêmê jî di panêlekê de li Foruma Aborî ya Delphi ya Yûnan`ê de got: Peywendiyên me bi Ewropa, Emrîka û heta Awustralya re pêşve diçin û em ê wan bêtir jî pêş bixin.

Qubad Talebanî Cîgirê Serokwezîrên Herêma Kurdistan`ê di dema beşdarbûna di panêla 10.ehemîn Foruma Aborî ya Navdewletî ya Delphî li Yûnan`ê de got: Tevî ku Rojhilata Navîn di hin aloziyan re derbas dibe, lê me Kurdan hewl da ku di çarçoveya Êraq`ê de biryara rast bidin, ew jî çespandina aştî û aramiyê li Rojhilata Navîn e, ku ev çend sal in Kurd hewl ji bo wê yekê didin.

Her weha aşkere kir ku, li ser vê bingehî jî ku aramiya peywendiyên me yên bi Ewropa, Emrîka û heta bi Awustralya re pêşdikeve û zêdetir pêş dikeve, ji ber ku em Kurd her dem ji cîhanê re vekirîne û dixwazin azad bijîn, lewra me gelek qurbanî dane û parêzgariyê li aramiya Kurdistan, Êraq û navçeyê didin.

Cîgirê Serok Wezîrên Herêma Kurdistan`ê amaje bi yekê kir ku her çende herêma me bi awayekî xwezayî gelek derfetên kar ji me re peyda kirine û Kurd bi giştî xwedî ruhê karsazî û nûjeniyê ne, li  ser vê bingehî em dixwazin nifşên paşerojê û ciwanên me bibin bazirgan û sermayedarên girîng, me hewl da ku sûdê ji teknolojî û nûjeniyê werbigirin ku xweşbextane li parêzgeha Silêmaniyê girîngiyek zêdetir tê dayîn,ji ber ku gumana me nîne ku di pêşerojê de neft nemîne lewra pêwîste em pişt bi şiyanên xwe ve girê bidin.

Her wiha got: Niha cîhan behsa gaza Kurdistan`ê dike, em jî dixwazin gazê bikin çavkaniyek wuzeyê ji bo hemû cîhanê û refahê ji bo xelkê me daku gelê me jê sûd werbigire, her çende niha Hewlêr û Silêmanî wek du parêzgehên Herêma Kurdistan`ê geşbûneke mezin dîtine, lê armanca me ew e ku em vê pêşketinê zêdetir pêş bixin.

Derbarê rola jinan di hikûmeta herêm û Herêma Kurdistan`êde  bi giştî Cîgirê Serok Wezîran  got: Çi welatek bêyî beşdariya jinan nikare bi ser bikeve, em li Herêma Kurdistan`ê giringiyeke mezin didin karînên, ji ber ku welat pêwîstî bi pêşketina jinan heye, eger em dixwazin civakek çalak hebe pêwîstiya me bi jinên çalak heye.

Qubad Talebanî derbarê pêkanîna hikşmeta bê ya Herêma Kurdistan`ê ragihand ku di dema borî de me hilbijartineke serkeftî encam dane ku hejmarek zêde xelkê me têde beşdar bûn,ji ber ku baweriya wan bi proseyê hebû û niha YNK û PDK`ê ku roleke wan ya mezin heye di pêkanîna hikûmeta nû, nêzîkbûneke gelek baş di navbera wan de heye û hewlên me yên ji bo pêkanîna hikûmeta nû berdewam in, her weha em dixwazin zal bin li ser kêmasiyên dema borî de hebûn, û em dixwazin Kurdistan pir baş were birêvebirin, lê girîng nine ku kî birêve dibe.

Cîgirê Serok Wezîran di panêlê de aşkere kir ku ji ber rewşa deverê em dixwazin hikûmetek çalak hebe û hewlên me ji bo dîjîtalkirina hikûmetê berdewam bin, di vî warî de em zêdetir giringiyê didin ciwan û nifşên xwe yên paşeroja me.

Di dawiyê de Cîgirê Serok Wezîrên Qubad Talebanî got: Em kêfxweş in ku peywendiyên me yên baş digel hevkarên me yên li Ewropa, Emrîka û welatên din hene û emê peywendiyên xwe pêş bixin, her weha em karê bi wan re jî bilind dinirxînin,  Hêjayî gotinê ye ku em ji Yûnan`ê û ji vê forumê gelek tişt fêr bûn, gelek tiştên me yên hevpar bi hevre hene, ez hêj bêtir kêfxweş im ku îro me karîbû têkiliyên xwe yên bi Yûnan`ê re di warê firokvanî, aborî, tûrîzm û çandiniyê de zêdetir pêş bixin û em hewl bidin di demeke nêzîk de geştên rastexwe yên esmanî yên di navbera Esîna û Silêmaniyê de dest pê bikin.

PUKMEDIA