Çend post ji bo Yekîtiya Niştimanî li parêzgeha Selahedîn

Kurdistan 05:23 PM - 2024-03-24

Selah Dîn

Yekîtiya Niştimanî ya Kurdistanê bi wan postên ku li parêzgeha Selahedîn ji mafê hilbijartinan werdigire, dixwaze xizmeta welatiyan bike û berpirsê Navenda Rêxistina Hemrîn a Yekîtiya Niştimanî ya Kurdistanê jî dibêje: Ev post dê ji aliyê kesên şareza û jêhatî ve bên dagirtin.

Destkeftên Yekîtiya Niştimanî ji postan

Berpirsê Navenda Rêxistina Hemrîn a Yekîtiya Niştimanî ya Kurdistanê Kerîm Mela Şikur di daxuyaniyekê de ji PUKMEDIA re derbarê pêkanîna hikûmeta xwecihî ya parêzgeha Selahedînê piştî hilbijartina parêzgarê got: Yekitiya niştimanî dê çend postan ji mafê xwe yê hilbijartinan li parêzgeha Selahedîn werbigire û ev yek piştî çend civîn û gotûbêjan ligel aliyên serketî di hilbijartinên encumenên parêzgehan û hilbijartina parêzgar de.

Got jî: Li gel birêz Bedir Mehmûd Fehil parêzgarê nû li hev kirin, ku Yekêtîya Niştîmanî ya Kurdistanê postê rêveberê giştî bo veberhênanê, alîkarê parêzgar, du rawêjkar û hijmareka rêveberên îdareya perwerde û tenduristiyê û şaredariyan werbigre.

Hilbijartina kesên jêhatî ji bo postan

Encûmena Parêzgeha Selahedîn ji 15 endaman pêk tê û tenê endamekî kurd têde ye ew jî nûnertiya Yekîtiya Niştimanî ye.

Berpirsê Navenda Hemrînê ya Yekîtiya Niştimanî yedibêje: Yekîtiya Niştimanî ya Kurdistanê dê kesên jêhatî û şareza yên di nava parêzgehê de ji bo dagirtina wan postan hilbijêre û xizmetkirina welatiyan bi hemû pêkhateyên xwe ve yek ji karên wan ên pêşîn e.
Roja Yekşemê 17.3.2024, Encûmena Parêzgeha Selahedîn namzedê Partiya Cemewer a Niştimanî Bedir El Fehil bo posta parêzgar hilbijart û di civîna encûmena parêzgehê de El Fehil (13) deng bi dest xist ji bo hilbijartina parêzger.


PUKMEDIA