YNK siyasetê dixe xizmeta xelkê

Kurdistan 12:08 PM - 2023-01-02

YNK siyasetê dixe xizmeta xelkê

Yekîtiya NiştimanÎ ya Kurdistanê bi awayekî cidî kar dike ji bo çareserkirina pirsgirêkên di navbera Herêma Kurdistanê û hikûmeta federal de û vekirina rûpeleke nû di navbera her du hikûmetan de.

Serok Bafil Celal Talebanî di du hevdîtinên ligel Rewta Hikmeta Niştimanî birêz Ammar El Hekîm û Serokê Hevpeymaniya Fetih Hadî El Amirî de amaje bi maf û destkeftên darayî yên gelê Kurdistanê kir û got: Niyeteke niştimanî heye ku pirsgirêkên di navbera Herêm û Bexdayê de li ser bingeha destûrê çareser bikin, ji ber wê jî divê hemû alî hevkar û piştevan bin ji bo bidawîkirina vê pirsgirêkê û vekirina rûpeleke nû di peywendiyên me yên siyasî de daku em hemû kar ji bo bidestveanîna armancên bilindtir û avakirina pêşerojeke geştir bikin.
Di her du civînan de Serok Bafil tekez li ser yekxistina hewlên bo gihandina rêkeftineke niştimanî li ser pişka herêmê û dabînkirina xercên darayî kir û got: Çend sal in Herêma Kurdistanê û xelkê wê bacên vê pirsgirêkê didin û bûne qurbaniyên nakokiyan, lewra em dixwazin ligel birayên xwe û dostên xwe yên li Bexdayê bi awayekî niştimanî û teqez vê kêşeyê çareser bikin û wan rewşan bi dawî bînin, û ev yek ji bo Yekîtiya Niştimanî ya pêşîn e, û dê bi hemû hêza xwe bi vî awayî kar bike.

Pêwîste pirsgrêk bi yekcarî bêne çareserkirin

Nûnerê Yekîtiya Niştimanî ya Kurdistanê Kerîm Şukr di daxuyaniyeke taybet de ji PUKMEDIA re ragihand: Em di Yekîtiya Niştimanî de pêwîst dibînin ku bi yekcarî kêşeyên di navbera Hikûmeta Herêma Kurdistanê û Hikûmeta Federal de çareser bibin.
Got jî: Em tekezî li ser wê yekê dikin ku li gor destûrê kêşeyên hilawîstî çareser bibin û rûpeleke nû ya peywendîyên herêma Kurdistanê û hikûmeta federal bê vekirin.

Pirsgirêkên kevn û pêhev

Nûner Kerîm Şukr dibêje: kêşeyên di navbera Herêma Kurdistanê û hikûmeta federal de kevn û demdirêj in û divê gav bi gav bên çareserkirin û divê em hemû kar ji bo çareser kirina wan bikin.
Wî her wiha got; Ev hikûmet û şexsê serokwezîr Mihemed Şeya El-Sudanî bi kurdan re nêzîkbûnek heye û bi çareserkirina pirsgirêkên li ber çavan e û di bernameya xwe ya wezîran de cih girtiye û em hêvîdar in ku xalên li ser mijarê biguhere bo çareserkirina pirsgirêkên berdest bi awayekî radîkal bikeve nav gavên rastîn.

Wext e ku pirsgirêkên domdar çareser bibin

Nûnera çarçoweya hemahengiyê Zehra El-Becarî ji PUKMEDYA re ragihand: Her sal dema ku em nêzîkî gotûbêja bûdceya federal dibin, pirsgirêkên di navbera Herêma Kurdistanê û hikûmeta federal de derdikevin holê.
Herwaha got: Herêma Kurdistanê beşeke bingehîn a Êraqê ye ji ber wê jî pêwîst e bi awayekî radîkal li ser van pirsgirêkan bê çareserkirin, ji ber ku pirsgirêkên di navbera birayan de ne û ne li welatekî din in.

Em piştgirî didin xebatên ji bo çareserkirina pirsgirêkan

Nûnera Zahra El-Becarî dibêje: Hikûmeta niha hikûmeteke lihevhatî ye û ji aliyê hemûyan ve tê qebûlkirin, lewra bi baweriya min dema çareser kirina kêşeyên heyî hatiye.
Herwaha got: Em piştevaniya her hewl û bangekê dikin bo çareser kirina kêşeyên di navbera herêma Kurdistanê û hikûmetê de û vekirina rûpelek nû, ji ber ku ew pirsgirêk di çarçeweya yek welat de ne û li ser esasê destûrê bi awayekî radîkal dikarin bên çareser kirin.

Ji bo çareserkirina pirsgirêkan hewldanek mezin

Nûnerê pêkhateya Feylî Husên Mêrdan ji PUKMEDIA re ragihand: Hemû aliyên siyasî hewla çareserkirina pirsgirêkan, bidawîkirina nakokiyan û dîtina çareyên rasteqîne ji hemû kirîzan re dikin.
Got jî: Ji bo dîtina pêwendiyeke mezin ji aliyê Yekîtiya Niştimaniya Kurdistanê ve ji bo çareserkirina nakokiyan û bidawîkirina qeyranan û her xalek ku bibe alîkar bo çareserkirina pirsgirêkan em bi hemû awayî piştevaniya wê dikin.

Divê pirsgirêk bên çareserkirin

Nûner Husên Mêrdan herwiha got: Di navbera parêzgehên din û parêzgehên Herêma Kurdistanê de peywendiyên baş û civakî hene û divê pirsgirêkên li ber çavan bên çareserkirin ku ya herî girîng dosya petrolê ye.
Got jî: Xebatên Yekîtîya Niştîmanî hewlên bi bereket in û meyla çareserkirina kêşeyan heye û pirranîya wan kêşeyan li ser çareser kirina kêşeyan li hev kirine û di paşerojê de bibînin ku qeyran dê çawa bin. 

PUKMEDIA