مسته‌فا چاوڕه‌ش له‌جێگای مه‌حمود سه‌نگاوی ده‌ستبه‌كار ده‌بێت

ئه‌و ئاڵو گۆڕه‌ به‌هۆی خراپی باری‌ ته‌ندروستی‌ مه‌حمود سه‌نگاویيه‌وه‌ بووه‌

مسته‌فا چاوڕه‌ش لێپرسراوی‌ مه‌ڵبه‌ندی‌ پێشمه‌رگه‌ی‌ یه‌كێتیی‌ نیشتمانیی‌ كوردستان له‌ شوێنی‌ مه‌حمود سه‌نگاوی‌ وه‌ك سه‌رپه‌رشتیاری حه‌وزی گه‌رمه‌سێری هێزی پێشمه‌رگه‌ی كوردستان ده‌ستبه‌كار بوو.

هێمن مه‌نسور وته‌بێژی‌ مه‌ڵبه‌ندی‌ هه‌شتی‌ خانه‌قین به‌ PUKmedia ی راگه‌یاند: ئه‌مڕۆ 21-6-2014 به‌ بڕیاری مه‌كته‌بی سیاسی یه‌كێتیی نیشتمانیی كوردستان و به‌گفتوگۆ كردن له‌گه‌ڵ حكومه‌ت و سه‌رۆكی هه‌رێمی كوردستان  مسته‌فا چاوڕه‌ش لێپرسراوی‌ مه‌ڵبه‌ندی‌ پێشمه‌رگه‌ی‌ یه‌كێتیی‌ نیشتمانیی‌ كوردستان له‌ شوێنی‌ مه‌حمود سه‌نگاوی‌ وه‌ك به‌رپرسی‌ هێزه‌كانی‌ پێشمه‌رگه‌ له‌ سنووری‌ مه‌نده‌لی‌ تا خورماتوو ده‌ستبه‌كار بوو.

وتیشی: ئه‌و ئاڵو گۆڕه‌ به‌هۆی خراپی باری‌ ته‌ندروستی‌ مه‌حمود سه‌نگاوی-يه‌وه‌ بووه‌ كه‌‌ نه‌یتوانیوه‌‌ درێژه‌ به‌كاركردن له‌ پۆسته‌كه‌یدا وه‌ك سه‌رپه‌رشتیاری‌ هێزه‌كانی‌ پێشمه‌رگه‌ له‌ سنووری‌ مه‌نده‌لی‌ تا خورماتوو بدات.

راشیگه‌یاند: ئه‌مڕۆ له‌گه‌ڵ‌ سه‌رۆك خێڵه‌كانی‌ جه‌له‌ولا گفتوگۆمان كردوه‌ تا داوا له‌ چه‌كدارانی داعش بكه‌ن بچنه‌ ده‌ره‌وه‌ی جه‌له‌ولا تا هاووڵاتیانی ئه‌و ناوچه‌یه‌ كه‌مترین زیانیان به‌ر بكه‌وێت و له‌ باره‌یه‌شه‌وه‌ تا سبه‌ینێمان كات داوه‌ به‌ سه‌رۆك خێڵه‌كانی جه‌له‌ولا.

PUKmedia دیار ستار