ئێران.. 200 تووشبووی دیكه‌ی كۆرۆنا گیانیان له‌ده‌ستدا

.

وته‌بێژی وه‌زاره‌تی ته‌ندروستی ئێران ڕایگه‌یاند: له‌ 24 سه‌عاتی ڕابردوودا دوو هه‌زار و 637 كه‌س تووشی كۆرۆنا بوون و 200 تووشبووش گیانیان له‌ده‌ستداوه‌.

د. سیما سادات لاری وته‌بێژی وه‌زاره‌تی ته‌ندروستی ئێران له‌ كۆنفرانسێكی ڕۆژنامه‌وانیدا ڕایگه‌یاند: 200 تووشبووی كۆرۆنا له‌ ئێران له‌ 24 سه‌عاتی ڕابردوودا گیانیان له‌ده‌ستداوه‌ و دوو هه‌زار و 637 كه‌سیش تووشی په‌تای كۆرۆنا بوون.

وتیشی: تا ئێستا كۆی ئه‌و كه‌سانه‌ی كه‌ به‌ په‌تای كۆرۆنا گیانیان له‌ده‌ستداوه‌ گه‌یشتۆته‌ 11 هه‌زار و 931 كه‌س و هاوكاتیش تا ئێستا 245 هه‌زار و 688 كه‌س له‌ ئێران تووشی كۆرۆنا بوون و 207 هه‌زار تووشبووش چاك بوونه‌ته‌وه‌.

 وته‌بێژی وه‌زاره‌تی ته‌ندروستی ئێران ئاماژه‌ی به‌وه‌شكردووه‌ كه‌ دۆخی ته‌ندروستی دانیشتوانی 20 پارێزگای ئێران ناجێگیره‌.

PUKmedia ئاژانسه‌كانی ئێران