مامۆستایەكی زانكۆ بە دروستكردنی دۆشاوی تەماتە پشتگیری جوتیاران دەكات

.

مامۆستایەكی زانكۆی گەرمیان بۆ پشتیگری لە جوتیاران و بەرهەمی ناوخۆ، بەرھەمێكی زۆری تەماتەی خۆماڵی كڕیووە و  دۆشاوی تەماتەی لێ بەرهەم هێناوە.

جەمیل محەمەد عەلی مامۆستای كۆلێژی پەروەردەی وەرزش لە زانكۆی گەرمیان بۆ PUKmedia دواو وتی: بە مەبەستی پشتیگری كردن لە جوتیاران و گرنگیدان بە بەرهەمی ناوخۆ بڕیارماندا دۆشاوی تەماتە لە ماڵەوە دروست بكەین.

وتیشی: بۆ ئەو مەبەستە چەند سندوقێك تەماتەم كڕی و لە ماوەی دوو رۆژدا دۆشاوەكەمان لێ بەرهەم هێنا.

ئەمەش لە كاتێكدایە لە ئێستادا بەرهەمی ناوخۆ بەشێوەیەكی بەرچاو نرخی دابەزیووە و جوتیارانیش ناڕەزایەتی دەردەبڕن، هاوكات بەشێكیش لە هاووڵاتیان بە مەبەستی پیشگیری لە بەرهەمی ناوخۆ و یەتایبەت بەرهەمی تەماتە لە ماڵەكانیاندا دۆشاوی تەماتە دروست دەكەن.

PUKmedia زمناكۆ یەحیایی