پرسه‌نامه‌ی هێرۆ ئیبراهیم ئه‌حمه‌د بۆ بنه‌ماڵه‌ی شێخ محه‌مه‌د كه‌سنه‌زانی

.

به‌ناوی خودای به‌خشنده‌ی میهره‌بان
به‌ڕێزان خانه‌واده‌ و بنه‌ماڵه‌ی شێخ محه‌مه‌د شێخ عه‌بدولكه‌ریمی كه‌سنه‌زانی
به‌‌ڕێزان موریدان و شوێنكه‌‌وتوانی ته‌‌ریقه‌‌تی قادری كه‌سنه‌زانی
به‌داخ و په‌ژاره‌یه‌كی زۆره‌وه‌، هه‌واڵی ماڵئاوایی یه‌كجاره‌كیی زاناو كه‌سایه‌تیی ئیسلامیی و ڕێبه‌ری ته‌ریقه‌تی قادریی كه‌سنه‌زانی جه‌نابی(شێخ محه‌مه‌د شێخ عه‌بدولكه‌ریم كه‌سنه‌زانیی)م پێگه‌یشت، بۆ ئه‌و خه‌مه‌تان پرسه‌و ماته‌مینیی قوڵی خۆمتان پێ ده‌گه‌یه‌نم و  له‌ناخه‌وه‌ هاوبه‌شی غه‌م و په‌ژاره‌تانم.
شێخ محه‌مه‌د كه‌سایه‌تییه‌كی دیاری ئایینی و كۆمه‌ڵایه‌تی و رێبه‌رێكی چاكه‌خواز و ناسراو و كاریگه‌‌ربو، بۆیه‌ له‌ده‌ستدانی خه‌ساره‌تێكی گه‌وره‌یه‌ بۆ هه‌مووان.
داواكارم له‌ په‌روه‌ردگاری مه‌زن ئارامیی و سه‌بوریی به‌ یه‌ك به‌یه‌كی خانه‌واده‌كه‌ی و خزمان و په‌یڕه‌وانی ته‌ریقه‌تی قادری ـ كه‌سنه‌زانی له‌ كوردستان‌ و عیراق‌ و جیهان ببه‌خشێت، ئه‌وه‌ دوایین غه‌م و دڵته‌نگیتان بێت، رۆحی كۆچكردووش به‌به‌هه‌شتیی به‌رینی شاد بكات.

ٳنــا لله وٳنــا ٳلــیــه راجــعــون

هێرۆ ئیبراهیم ئه‌حمه‌د

PUKmedia