لەجیهاندا زیاتر لەنیوەی توشبوانی كۆرۆنا چاكبونەتەوە

.

ژمارەی توشبوانی كۆرۆنا لەجیهاندا لە 11 ملیۆن كەس نزیكبوەتەوەو لەو ژمارەیەش زیاتر لە شەش ملیۆنیان چاكبونەتەوە.

بەپێی دوا ئاماری توشبوانی كۆرۆنا لەجیهاندا تا ئەمڕۆ 2ی تەموزی 2020، لەسەرەتای سەرهەڵدانی ڤایرۆسی كۆرۆناوە كۆی گشتی ئەوانەی توشی كۆرۆنا بوون گەیشتوەتە 10 ملیۆن و 827 هەزارو 443 توشبوو، بەردەوامیش ژمارەكە لەهەڵكشاندایە.

هەر بەپێی ئامارەكە كۆی ئەوانەشی تائێستا لەكۆرۆنا چاكبونەتەوە شەش ملیۆن و 46 هەزارو 972 كەس و ئەوەش نیوەی زیاتری توشبوانەو بەردەوامیش ژمارەی چاكبوان زیاد دەكات.

لەبارەی ژمارەی ئەوانەشی لەسەرەتای سەرهەڵدانییەوە بەكۆرۆنا گیانیان لەدەستداوە گەیشتوەتە 519 هەزارو 390 كەس.

PUKmedia ئاژانسەكان