وەزارەتی بازرگانی گەنمی كەركوك ‌و ناوچە كوردستانییەكان وەردەگرێت

.

وەزیری كشتوكاڵ داوای لە وەزارەتی بازرگانی كردووە كە بەرھەمی گەنمی ئەو جوتیارانەی زەوییەكانیان لە دەرەوەی پلانی كشتوكاڵییە و زەوییە مەتفاكان و ئەوانەی بەڵگەی یاسایی نەگەڕاوەتەوە بۆ خاوەنەكانیان وەربگرێت و جوتیارانیش لە سبەینێوە دەتوانن پەیوەندیی بە لایەنە پەیوەندیدارەكانەوە بكەن بەمەبەستی وەرگرتنی بەرھەمەكانیان.

دیلان غەفور ئەندامی ئەنجومەنی نوێنەرانی عیراق لە فراكسیۆنی یەكێتی رایگەیاند: دوای ھەوڵ و بەدواداچوونە بەردەوامەكانمان بۆ وەرگرتنی گەنمی ئەو جوتیارانەی زەوییەكانیان لە دەرەوەی پلانی كشتوكاڵییەو زەوییە مەتفاكان و ئەوانەی بەڵگەی یاسایی نەگەڕاوەتەوە بۆ خاوەنەكانیان، ئەمڕۆ چوار شەممە 1-7-2020، لە نووسراوێكی بەپەلەدا وەزیری كشتوكاڵ داوای لە وەزارەتی بازرگانی كردووە تەواوی بەرھەمی گەنمی ئەو جوتیارانەش وەربگیرێن.

راشیگەیاند: جوتیاران لە سبەینێوە دەتوانن پەیوەندیی بە لایەنە پەیوەندیدارەكانەوە بكەن بەمەبەستی وەرگرتنی بەرھەمەكانیان.

PUKmedia تایبەت