كەلار.. روبەری سەوزایی لە فراوانبووندایە

.

لە كەلار روبەری سەوزایی لە فراوانبووندایە و بەڕێوبەری بەشی باخچەكانی كەلاریش رایدەگەیەنێت، لە ئێستاشدا سەرقاڵی دروستكردنی دارستانێكی گەورەین و بە تەواو بوونیشی روبەری سەوزایی لە ناوچەكە زیاتردەبێت.

ئارام ئەمین نەجمەدین بەڕێوبەری بەشی باخچەكانی كەلار بە PUKmedia ی راگەیاند: هەرچەندە بە پی ستاندرای جیهانی دەبێت روبەری سەوزایی %15-20 بێت بەڵام لە كەلار روبەری سەوزایی %5 و لە ئێستاشدا سەرقاڵی دروستكردنی دارستانێكی گەورەین بە دەوربەری كەلاردا و كە پارك و شوێنی دانیشتنی بۆ هاووڵاتیانیش تێدایە.

وتیشی: سەرەڕای قەیرانی دارایی لە سەوزكردنی شار بەردەوام بووین ئەوە پڕۆژانەی لە بەردەستماندان بەردەوام كاریان لەسەر دەكەین بە تەواو بوونیشی روبەری سەوزایی لە كەلار فراوانتردەبێت و لە ماوەی چەند ساڵی داهاتوودا ناوچەكە سیمایەكی سەوزی دەبێت.

هاوكات ئازاد ئەحمەد سەرۆكی رێكخڕاوی ژینگە دۆستانی گەرمیان بە PUKmedia ی راگەیاند: لەگەڵ فراوانبوونی روبەری سەوزایی لە گەرمیان، گرفتی كەمی ئاودان و ئاگر كەوتنەوە هەڕەشەیە بۆ سەوزایی ناوچەكە بۆیە  ئەركی لایەنە پەیوەندیدارەكانە لەوەرزی ھاویندا زیاتر گرنگی بە پاراستنی سەوزاییەكان بدەن.

PUKmedia زمناكۆ یەحیایی