ئه‌ڵمانیا كه‌ره‌نتینه‌ی سه‌رله‌نوێی شارێكی ڕاگه‌یاند

.

دوای ئاشكرابوونی زیاتر له‌1500 كرێكاری توشبوو له‌ قه‌سابخانه‌یه‌كی هه‌رێمی نۆردڕاین ڤێست ڤاڵنی ئه‌ڵمانیدا ئه‌مڕۆ سێشه‌ممه‌ 23ی حوزه‌یرانی2020 سه‌رۆك وه‌زیرانی ئه‌و هه‌رێمه‌ كه‌ره‌نتینه‌ی شاری"گوترسلوه‌"ی ڕاگه‌یاند كه‌ ژماره‌ی دانیشتوانه‌كه‌ی 370هه‌زار كه‌سه‌.

ئارمین لاشیتی سه‌رۆك وه‌زیارنی هه‌رێمه‌كه‌ ڕایگه‌یاند كه‌ره‌نتینه‌ی ئه‌و شاره‌ كه‌بووه‌ هۆی به‌رزبونه‌وه‌ی ڕێژه‌ی توشبون به‌كۆرۆنا بۆ له‌سه‌دا 2.88٪و ئه‌ڵمانیای گه‌ڕانده‌وه‌ بۆ خاڵی سفرو سه‌ره‌تای بڵاوبونه‌وه‌ی په‌تاكه‌ بۆیه‌ ده‌بێ تا كۆتایی مانگی حوزه‌یران كه‌ره‌نتینه‌ له‌وشاره‌دا به‌رده‌وام بێت و داوای له‌ لایه‌نه‌ به‌پرسه‌كانیشكرد ڕێوشوێنه‌كان توندكه‌ن.

ئه‌مه‌ له‌كاتێكدایه‌ كه‌په‌ره‌سه‌ندنه‌كانی ڤایرۆسی كۆرۆنا نیگه‌رانی ئه‌وه‌ی لێكه‌وتۆته‌وه‌و ئه‌گه‌ری ئه‌وه‌ هه‌یه‌ شه‌پۆلی دووه‌می ده‌ستپێبكات و جارێكیتری مه‌ترسیه‌كان له‌سه‌ر كۆمه‌ڵگه‌ی نێوده‌وڵه‌تی زیاتر بكات.هه‌ر له‌م باره‌یه‌وه‌ ده‌سه‌ڵاتدارێتی شاری گوترسلوه‌ هۆكاری ئه‌م كه‌ره‌نتینه‌یان گه‌ڕانده‌وه‌ بۆ ئاشكرابوونی ئه‌و ژماره‌ زۆره‌ له‌كوشتارگه‌ی ئاژه‌ڵی"تونیس"و ئه‌و كۆمپانیایه‌ش به‌كه‌مته‌رخه‌م دراوه‌ته‌ قه‌ڵه‌م،سه‌رۆك وه‌زیرانی هه‌رێمه‌كه‌ ئارمین لاشیت له‌كۆنگره‌یه‌كی ڕۆژنامه‌نوسیدا ڕایگه‌یاند دوای كۆنترۆلكردنی كۆرۆنا له‌ولاتدا یه‌كه‌مینجاره‌ بگه‌رێینه‌وه‌ بۆ ڕه‌وشی خراپی به‌رله‌چه‌ند هه‌فته‌یه‌ك،سه‌رۆك وه‌زیرانی ئه‌و هه‌رێمه‌ وتیشی له‌كۆی 6 هه‌زارو  سه‌دو چل كرێكار 1 هه‌زارو پێنج سه‌دو په‌نجاو سێ كه‌س له‌و كوشتارگه‌یه‌دا توشی كۆرۆنا بوون.

PUKmedia شیهاب عوسمان- ئه‌ڵمانیا

سه‌رچاوه‌/ڕۆژنامه‌ی "بیڵد