د. یاد نه‌قشبه‌ندی: 500 تووشبووی كۆرۆنا چاكبوونه‌ته‌وه‌

.

وته‌بێژی ته‌ندروستی سلێمانی ده‌ڵێت: 500 تووشبووی كۆرۆنا چاك بوونه‌ته‌وه‌ و ئه‌گه‌ر هاووڵاتیان هاوكار بن بانكی پلازمای خوێن داده‌مه‌زرێنین.

له‌كۆنفرانسێكی ڕۆژنامه‌وانیدا د.یاد نه‌قشبه‌ندی وته‌بێژی ته‌ندروستی سلێمانی ڕایگه‌یاند: شاری سلێمانی یه‌كه‌مین شار بوو كه‌ پلازمای خوێنی بۆ چاره‌سه‌ركردنی كۆرۆنا به‌كارهێنا و به‌كارهێنانه‌كه‌شی سه‌ركه‌وتوو بووه‌.

وتیشی: له‌ مانگی ڕابردوودا 500 تووشبووی كۆرۆنا چاك بوونه‌ته‌وه‌ و به‌رزبوونه‌وه‌ی ڕێژه‌كه‌ ته‌نها هی دوو ڕۆژ و سێ ڕۆژ نییه‌ به‌ڵكوو بۆ به‌ركه‌وتنی پێشوو ده‌گه‌ڕێته‌وه‌.

ئاماژه‌ی به‌وه‌شدا كه‌ خۆپارێزی باشترین چاره‌سه‌ره‌ وه‌رگرتنی پلازمای خوێن دوای 14 ڕۆژ له‌ چاكبوونه‌وه‌ی تووشبوو وه‌رده‌گرێت. 

PUKmedia تایبه‌ت