كەلار.. ئیدارەی شارەكە هۆشداری دەدات

.

قایمقامیەتی كەلار جەختدەكاتەوە هەر كاسبكار و خاوەن ماركێتی پابەندی ڕێنمایە تەندروستیەكان نەبێ جێگاكەی دادەخرێت.

قایمقامیەتی قەزای كەلار لە ئاگادارینامەیەكدا  جەختكراوەتەوە:" قایمقامیەتی  قەزای كەلار ئاگاداری سەرجەم كاسبكاران و خاون ماركێت و مۆڵ و هەرزان بازاڕەكانی سنووری قەزای كەلار دەكاتەوە، لە پێناو رێگری لە زیاتر بڵاوبوونەوەی ڤایرۆسی كۆرۆنا پابەندنی رێنماییە تەندروستیەكان بن بە بەكارھێنانی دەست كێش و دەمامك".

رونیشكراوەتەوە:"  بە پێچەوانەوە لە سبەینێوە لیژنە هاوبەشەكان لە كاتی بینینی پابەندنەبوون بە رێنماییەكان ئاگاداری یان پسولەی غەرامەكردن بۆ سەرپێچیكاران ناكەن ، بەڵكو راستەوخۆ شوێنكەی دادەخەن، بۆیە دواكارین پابەندی ڕێنماییەكان بن.

PUKmedia راگەیەنراو