له‌بۆردومانێكی هاوپه‌یماناندا والی ره‌ققه‌ ده‌كوژرێت

.

سه‌رچاوه‌ تایبه‌ته‌كان له‌ شاری حه‌ڵه‌ب جه‌خت له‌سه‌ر كوژرانی گه‌وره‌ تیرۆرستێكی سه‌ر به‌ داعش له‌نزیك شاری بابی سه‌ر به‌حه‌ڵه‌ب له‌لایه‌ن فڕۆكه‌كانی هاوپه‌یمانه‌وه‌ ده‌كه‌نه‌وه‌.

سه‌نته‌ری به‌ دۆكۆمێنتكردنی پێشێلكارییه‌كانی توركیا له‌ باكوور و رۆژهه‌ڵاتی سوریا له‌ راگه‌یه‌نراوێكدا كه‌ وێنه‌یه‌كی ده‌ست PUKmedia كه‌وتووه‌ روونیكردۆته‌وه‌ كه‌ گه‌وره‌ تیرۆریستێكی سه‌ر به‌ گروپی داعش به‌ناوی (فایز عه‌كال) والی شاری ره‌ققه‌ له‌ئه‌نجامی مووشه‌كێكی ئاراسته‌كراوی هاوپه‌یمانانه‌وه‌ كوژراوه‌، ئاماژه‌ی به‌وه‌ش كردووه‌ كه‌ ناوبراو پێناسه‌یه‌كه‌ی توركی به‌ناوی (ئه‌حمه‌د ده‌روێش بن حسێن) پێبووه‌ و به‌ئازادی هاتووچۆی پێكردووه‌، وێرای ئه‌وه‌ی توركیا سه‌رجه‌م تۆماری شارستانی ناوچه‌كانی ژێر ده‌سه‌ڵاتی خۆی له‌ باكووری سوریا به‌تۆماری ناوه‌ندییه‌وه‌ گرێی داوه‌.

هاوكات سه‌نته‌ره‌كه‌ راپۆرتێكی له‌سه‌ر ئه‌و گه‌وره‌ تیرۆریسته‌ و خێزانه‌كه‌ی و ژماره‌یه‌ك سه‌ركرده‌ی تری سه‌ر به‌ گروپی داعشی بڵاوكردۆته‌وه‌ كه‌ پلانیان هه‌بووه‌ گروپێكی نوێی چه‌كدار له‌پاشماوه‌ی سه‌ركرده‌ و ئه‌ندامه‌كانی پێشووی داعش له‌ژێر باڵی وڵاتی توركیا دروست بكه‌ن.

PUKmedia سه‌نته‌ری به‌دۆكۆمێنتكردنی پێشێلكارییه‌كان له‌ رۆژئاوای كوردستان