هاوسه‌رۆكی یه‌كێتی پشتیوانی بۆ پارێزگای سلێمانی دووپاتده‌كاته‌وه‌

.

ئه‌مڕۆ 20-6-2020 لاهور شێخ جه‌نگی هاوسه‌رۆكی یه‌كێتیی نیشتمانیی كوردستان له‌ په‌یوه‌ندییه‌كی ته‌له‌فۆنیدا له‌گه‌ڵ د.هه‌ڤاڵ ئه‌بوبه‌كر پارێزگاری سلێمانیدا، سه‌باره‌ت به‌بارودۆخی دارایی و ئابووریی و مووچه‌ی مووچه‌خۆران و به‌تایبه‌تی مووچه‌ی كه‌رتی ته‌ندروستی و ڕێكاره‌كانی به‌ره‌نگاربوونه‌وه‌ی كۆرۆناو پێشهاته‌ نوێكانی هه‌رێمی كوردستان، گفتوگۆیان كرد.

هاوسه‌رۆكی یه‌كێتیی نیشتمانیی كوردستان ئاماده‌یی و پشتیوانیی یه‌كێتیی نیشتمانیی كوردستانی بۆ هه‌ر هه‌ماهه‌نگی و كارێكی هاوبه‌ش ده‌ربڕی.

PUKmedia راگه‌یاندنی پارێزگای سلێمانی