دیالە .. پشكنینی ماڵ بەماڵ بۆ كۆرۆنا دەكرێت

.

لەلایەن وەزارەتی تەندروستی حكومەتی عیراقەوە ئامێرێكی پێشكەوتووی پشكنینی كۆرۆنا بۆ پارێزگای دیالە  تەرخان دەكرێت.

فارس عەزاوی بەڕێوبەری گشتی تەندروستی دیالە تایبەت بە PUKmedia ووتی: بەهاوكاری وەزارەتی تەندروستی عیراق ئامێرێكی پێشكەوتووی پشكنینەكانی كۆرۆنا  بۆ پارێزگای دیالە تەرخان كرا.

وتیشی: ئەمە دووەمین ئامێری پێشكەوتووە كە دەهێنرێتە سنوری پارێزگاكەمان.

رونیشكردەوە: بەهۆی بەرزبوونەوەی حاڵەتەكانی تووشبوون بەكۆرۆنا لەپارێزگاكەمان  پشكنینی ماڵ بەماڵ دەست پێدەكات، واتە هاووڵاتیان دەتوانن پەیوەندیمان پێوە بكەن و ئێمەش لەرێگەی تیمەكانمانەوە بچینە ماڵان و پشكنینەكان ئەنجامبدەین.

PUKmedia سامان یاروەیس