كاكه‌ییه‌كانی هه‌ڵه‌بجه‌ په‌یامێك ئاڕاسته‌ی حكومه‌تی عیراق ده‌كه‌ن

.

لاوازی حكومه‌تی عیراق ژیانی كاكه‌ییه‌كانی له‌ناوچه‌ جێناكۆكه‌كان خستوه‌ته‌ مه‌ترسیه‌وه‌.

ئه‌مڕۆ پێنج شه‌ممه‌ 18-6-2020 ، كاكه‌ییه‌كانی هه‌ڵه‌بجه‌ كۆنگره‌یه‌كی رۆژنامه‌وانییان ئه‌نجامداو داوایان كرد ژیانی كاكه‌ییه‌كانی ناوچه‌ جێناكۆكه‌كان پارێزراوبێت.

 كاكه‌ییه‌كانی هه‌ڵه‌بجه‌ راشیانگه‌یاند، داوا له‌هه‌ردوو حكومه‌تی هه‌رێمی كوردستان و عیراق ده‌كه‌ین، به‌میكانیزمی نوێ كه‌ ناوچه‌كه‌ پێویستی پێیه‌تی هاوكاری یه‌كبن تا ژیانی هاووڵاتیان پارێزراو بێت.

 ئه‌وه‌شیان خسته‌ڕوو: پێویسته‌ هێزی پێشمه‌رگه‌ بچێته‌وه‌ ئه‌و ناوچانه‌ی كه‌ مه‌ترسیان له‌سه‌ره‌و به‌تایبه‌ت ناوچه‌ی كاكه‌ییه‌كان، چونكه‌ ئه‌و ناوچه‌یه‌ هه‌موو كات له‌ لایه‌ن تیرۆرستانه‌وه‌ ده‌كرێته‌ ئامانج.

PUKmedia تایبه‌ت