شاره‌زوور.. ده‌ست به‌چاندنی چه‌ڵتوك ده‌كرێت

.

ساڵانه‌ له‌ دوای ته‌واوبوونی وه‌رزی دروێنه‌ی گه‌نم و جۆ، جوتیاران سنوری قه‌زای شاره‌زوور ده‌ست به‌چاندنی چه‌ڵتوك ده‌كه‌ن.

له‌و باره‌یه‌وه‌ ئیسماعیل دارا كه‌ جوتیارێكی شاره‌زووره‌، به‌ PUKmedia ڕاگه‌یاند:  چاندنی چه‌ڵتوك له‌مانگی 4 ده‌ستپێده‌كات تا كۆتا ڕۆژی به‌هار، به‌ڵام ئه‌گه‌ر له‌پایزدا زوو په‌ڵه‌و سه‌رما ده‌ستپێبكات ئه‌وه‌ ده‌بێته‌ كێشه‌ بۆی پێده‌چێت نه‌دروێته‌وه‌ به‌هۆی سه‌رماوه‌، یان زۆری باران له‌پایزدا، به‌ڵام باشترین كات مانگی 5 ده‌ستپێ بكه‌یت نه‌ زۆر زووه‌ نه‌ زۆر دره‌نگیشه‌ باشه‌ ، به‌مه‌ش ئاوی پایز ده‌خوات و هه‌ر برنجێك ئاوی پایز بخوات ئه‌وا برنجه‌كه‌ی باش و جوان ده‌بێت، به‌ڵام ئه‌گه‌ ر زۆر زوو بكرێت ئه‌وا ئاوی پایز ناخوات برنجه‌كه‌ی وه‌ك برنجی پایز نابێت .

 هه‌روه‌ها عه‌بدولكه‌ریم عارف به‌ڕێوه‌به‌ری كشتوكاڵی شاره‌زوور به‌ PUKmedia ڕاگه‌یاند: له‌ سنوری شاره‌زوور ده‌وربه‌ری 65دۆنم مه‌ره‌زه‌ كراوه‌ له‌ گونده‌كانی (چبوغ،كانی كه‌وه‌ی چوغ،كانی كه‌وه‌ی كۆن قه‌لبه‌زه‌و، حاسڵ) له‌م ساڵدا به‌س له‌م گوندانه‌ كراوه‌ جوتیاران خۆیان كردویانه‌ چاندویانه‌و هیچ كێشه‌یه‌كمان نه‌بووه‌ تائیستا .

 وتیشی: به‌ گشتی چه‌ند جۆریكمان چه‌ڵتوك هه‌یه‌ ئه‌ویش گوڵه‌ سوره‌ كه‌ پێی ده‌ڵین مه‌وله‌وی جۆری تر چه‌ڵتوكی زه‌رد باشتره‌ بۆ كه‌شو هه‌وای شاره‌زوور گوڵه‌ سوره‌یه‌ كه‌شو هه‌وای له‌باره‌ بۆی زیاتر به‌رهه‌می باش ده‌بێت .

ئه‌وه‌شی خشته‌ڕوو: باشتره‌ زه‌ووییه‌كه‌ی پایز بكێڵیت و ئاماده‌ی بكه‌یت. به‌ڵام ئێستا خه‌ڵك ده‌یكات به‌ گه‌نم و جۆ دوای هه‌ڵگرتنی ده‌یكات به‌ مه‌ره‌زه‌ واته‌ چه‌ڵتووك، ئیتر ده‌بێت مانگی یان دوو مانگ  بژارو ده‌رمانی بكه‌یت ئه‌گه‌ر زه‌وییه‌كه‌ كه‌م قوه‌ت بوو ده‌بێت كووتی پیوه‌ بكه‌یت ئه‌گینا باش نابێت.

له‌باره‌ی دوورینه‌وه‌شی به‌ڕێوه‌به‌ری كشتوكاڵی شاره‌زوور وتی، ساڵانی زوو به‌ ده‌ست دره‌و ده‌كرا، به‌ڵام ئێستا به‌ ده‌راسه‌ ده‌دروێته‌وه‌، به‌مه‌ش كار ئاسانی بۆ خاوه‌ن ئیشه‌كان شێوازی ئاودان تۆوت كرد تا 2 هه‌فته‌ به‌رده‌وام ئاوی پێوه‌بێت ئه‌وه‌نده‌ ئاوی پێوه‌بێت چۆله‌كه‌ تۆوه‌كه‌ نه‌خوات له‌ڕۆژداو تۆوه‌كه‌ی هاوشێوه‌ی تۆوه‌كانی  دیكه‌ نییه‌ له‌ سه‌ره‌وه‌یه‌، بۆیه‌ ئه‌وه‌نده‌ ئاو بدرێت كه‌ تۆوه‌كه‌ له‌ چۆله‌كه‌ گه‌رمای به‌هێز پارێزراو بێت نه‌سوتێت، دوای ده‌رچوون له‌ ئاو ده‌بێت 2 تا 3 ڕۆژ ئاوی لێ ببڕیت  بۆ ئه‌وه‌ی خۆی بگرێت و ڕه‌گه‌كه‌ی قه‌وزه‌ سه‌ری نه‌گرێت .

PUKmedia محه‌مه‌د عه‌بدولڕه‌حمان/ شاره‌زوور