په‌روه‌رده‌ی شاره‌زوور مامۆستایان ئاگادارده‌كاته‌وه‌

.

به‌ڕێوه‌به‌رایه‌تی په‌روه‌رده‌ی قه‌زای شاره‌زوور مامۆستایانی گریبه‌ست ئاگادار ئه‌كاته‌وه‌ سه‌باره‌ت به‌ مامه‌ڵه‌ی بوون به‌ ھه‌میشه‌ییان.

نه‌بیل حه‌مه‌ ساڵح  لێپرسراوی به‌شی خۆیه‌تی و میلاكات له‌ په‌روه‌رده‌ی قه‌زای شاره‌زوور به‌ PUKmedia ڕاگه‌یاند: سه‌رجه‌م ئه‌و مامۆستا به‌رێزانه‌  ئاگادار ده‌كه‌ینه‌وه‌ كه‌ مامه‌ڵه‌كانیان ته‌واو بووه‌ له‌ ئه‌مڕۆوه‌ 16-6-2020، ده‌ست ده‌كه‌ین به‌ وه‌رگرتنی مامه‌ڵه‌كانیان، ئه‌و به‌رێزانه‌ش كه‌ مامه‌ڵه‌كانیان تا ئێستا ته‌واو نه‌بووه‌. ھه‌وڵ بده‌ن له‌ماوه‌ی  ئه‌م ھه‌فته‌یه‌دا ئه‌نجامی بده‌ن، دواكات بۆ وه‌رگرتنی مامه‌ڵه‌كانتان  ھه‌فته‌ی داھاتوو رۆژی دوو شه‌ممه‌ 22-6-2020، ده‌بێت  تكایه‌ ھه‌وڵ بده‌ن تا ئه‌و رێكه‌وته‌ مامه‌ڵه‌كانتان به‌كۆتا بێت.

ئه‌وش هاتووه‌، به‌مه‌به‌ستی به‌ڵێن نامه‌ی یاسایی سه‌ردانی به‌شی یاسا بكه‌ن له‌ دیوانی به‌ڕێوه‌به‌رێتیمان، به‌مه‌به‌ستی خۆپارێزی و له‌پێناو پاراستنی گیانی خۆتان و كه‌س و كارتان له‌كاتی سه‌ردانتان ڕه‌چاوی ڕێنماییه‌ ته‌ندروستیه‌كان بكه‌ن.

PUKmedia محه‌مه‌د عه‌بدولڕه‌حمان/ شاره‌زوور