بەسرە قەدەغەی تەواوەتی هاتوچۆ رادەگەیەنێت

.

فەرماندەیی ئۆپەراسیۆنەكانی بەسرە قەدەغەی هاتوچۆی ئۆتۆمبێل و پیادەی لە شارەكە راگەیاند و سەرجەم رێگاپێدانەكانی پێشووشی هەڵوەشانەوە .

عەقید سائر عیسا وتەبێژی فەرماندەی ئۆپەراسیۆنەكانی بەسرە بە ئاژانسی‌ رەسمی عیراقی راگەیاند: كە ئەمڕۆ شەممە 13-6-2020،  قەدەغەی هاتووچۆی‌ تەواو لە تەواوی‌ شارەكەدا دەستپێدەكات و سەرجەم ئەو كەس و شوێنانەشی كە پێشتر رێگای هاتوچۆیان پێدراوە رێگاپێدانەكانیان هەڵوەشێندراونەتەوە.

راشیگەیاند: بڕیاری قەدەغەی هاتوچۆی تەواو بۆ رێگریكردنە لە بڵاوبوونەوەی ڤایرۆسی كۆرۆنا، چونكە لە پارێزگاكە بە ڕێژەیەكی زۆر  خەڵك تووشی ڤایرۆسەكە دەبن.

وتەبێژی‌ فەرماندەی ئۆپەراسیۆنەكانی‌ بەسرە وتیشی: بە مەبەستی گرتنەبەری رێوشوێنی یاسایی بەرامبەرپێشێلكاران، هێزی زیاتری ئەمنی لە شارەكەدا بڵاوەیان پێدەكرێت.

PUKmedia ئاژانسەكان