ئەنجامی ٨٠ پشكنینی كۆرۆنا لە گەرمیان پاك دەرچون

.

تەندروستی گەرمیان ئاشكرایكردوە، ئەنجامی 80 پشكنینی نوێ دەرچووەو تیایدا هەموویان نیگەتیف بوون.

لەراگەیەنراوەكەی تەندروستی گەرمیاندا هاتووە:"لە ئەنجامی ٨٠ پشكنینی تاقیگەیی بۆ ڤایرۆسی كۆرۆنای نوێ لە گەرمیان كە ئەم بەیانیە ئاشكرا بو، ھەمویان نێگەتیڤ «پاك» دەرچون.

رونیشكراوەتوە:"ھەروەك دوێنێش لەكۆی پشكنینەكان، زۆرینەی زۆریان كە ١٣٠ نمونەی پشكنین بون، بەھەمانشێوە نێگەتیڤ بون و خاڵی بون لە ڤایرۆسی كۆرۆنا.

ئاماژە بەوەشدراوە:"لەگەڵ ئەم ئاماژە دڵخۆشكەرانەشدا، دەبێت ھاوڵاتیان مەترسی ڤایرۆسەكە بە جیدیی وەربگرن و خۆیان بە تەواوی بپارێزن.

PUKmedia راگەیاندنی تەندروستی گەرمیان