كفری .. خۆپیشاندەران یاداشتێک دەدەنە ئیدارەی شارەکە

.

 دوای كۆبوونەوەی نێوان ئیدارەی قەزاكەو نوێنەری خۆپیشاندەران كۆتایی بەخۆپیشاندانەكانی قەزای كفری هات.

جەلال نوری قائیمقامی قەزای كفری بۆ PUKmedia ی راگەیاند:ئەمڕۆ ئێمە لەگەڵ نوێنەری خۆپیشاندانەكاندا كۆبووینەوە، بە ئامادەبوونی بەشێك لە فەرمانگەكان بەتایبەتی خزمەتگوزاریەكان، دوای گفتوگۆیەكی باش لەنێوان هەردوولا گەشتینە ئەوەی ئەوان یاداشتێك بنوسن و داواكاریەكی 16 خاڵی تێدا بخەنەڕوو.

وتیشی: گەیشتینە ئەوەی لیژنەیەكی پانزە كەسی لەخۆپیشاندەران پێك بێن بۆ بەدواداچون بۆ ئەو كێشانەی كە هەیانە و لەچەند ڕۆژی ڕابردوو پێشكەش كراون ،كە بەشێكی لەمانە خۆی ئەبینێتەوە لە سەردانی ئیدارەی گەرمیان و زانكۆی گەرمیان بكرێت و چەند فەرمانگەیەك لەودوو بەشە بێنە كفریەوە و بەشی كۆلێژەكانی تر لەكفری بكرێنەوە.

جەختیكردەوە:"  هەردولا ڕێكەوتین هاودەنگ بین وكارگەیەكی ئاسن بكرێتەوە دامەزراندنی بۆ گەنجانی كفری بێت و   و هەلی كار بۆ گەنجانی ناوچەكە بڕەخسێت.

PUKmedia زمناكۆ یەحیایی