دوو هه‌زار و 364 كه‌سی دیكه‌ له‌ئێران تووشی كۆرۆنا بوون

.

له‌24 سه‌عاتی ڕابردوودا له‌ ئێران دوو هه‌زار و 364 كه‌سی دیكه‌ تووشی كۆرۆنا بوون و 72 كه‌سیش به‌هۆی په‌تاكه‌وه‌ گیانیان له‌ده‌ستداوه‌.

كیانووش جیهانپوور وته‌بێژی وه‌زاره‌تی ته‌ندروستی ئێران نیوه‌ڕۆی ئه‌مڕۆ یه‌كشه‌ممه‌ 7-6-2020 ڕایگه‌یاند 72 كه‌س له‌ 24 سه‌عاتی ڕابردوو گیانیان له‌ده‌ستداوه‌ و دوو هه‌زار 364 كه‌سی دیكه‌ش تووشی كۆرۆنابوون.

ڕاشیگه‌یاند: هه‌نووكه‌ 171 هه‌زار و 789 كه‌س له‌ئێران تووشی كۆرۆنابوون و 8 هه‌زار و 281 كه‌س گیانیان له‌ده‌ستداوه‌ و 134 هه‌زار و 349 تووشبووش چاك بوونه‌ته‌وه‌.

PUKmedia ئاژانسه‌كانی ئێران