نوێترین زانیاری لەسەر تووشبوانی گەرمیان

.

20 تووشبووی نوێی كۆرۆنا لەسنوری گەرمیان تۆماركران و تەندروستی گەرمیانیش داوای جێبەجێكردین رێنماییەكان دەكات لەهاووڵاتیان.

د.سیروان محەمەد بەڕێوبەری گشتی تەندروستی گەرمیان بە PUKmedia ی راگەیاند: ئەمڕۆ 20 تووشبووی نوێی كۆرۆنا لەسنوری گەرمیان تۆماركران، كە  دوان لەتووشبووان پزیشكێك و كارمەندێكی تەندروستین.

رونیشكردەوە:  زۆرینەی تووشبووان دەر ئەنجامی میوانداریەكەی رۆژی جەژنن، كە میوانیان هاتووەو بەو هۆیەوە تووشبوون.

جەختیكردەوە: دووان لەتووشبووان باری تەندروستیان ناجێگرە.

بەڕێوبەری گشتی تەندروستی گەرمیان باسی لەوەشكرد: پێویستە  هاووڵاتیان پابەندی رێنماییەكان بن و رێكارە تەندروستیەكان وەك خۆی جێبەجێ بكەن، بەتایبەت لەكاتی كارو كاسپیدا دەمامك و دەست كێش  بەكاربهێنن و  نزیك بوونەوەی زۆر نەبێت.

ئاماژەی بەوەشداوە:  هاووڵاتیان پێویستە سەردان و بۆنە كۆمەڵایەتیەكان رابگرن و لەم  ماوەیەدا دوور بكەونەوە، سەردانیكردن و لەیەك نزیك بوونەوەی كۆمەڵایەتی بەهەموو شێوەیەك ئەنجام نەدەن.

 PUKmedia سامان یاروەیس