دیالە.. هێرش دەكرێتە سەر تیرۆرستان

.

بەیانی ئەمڕۆ لەئۆپراسیۆنێكدا لەناحیەكانی بهرزو كەنعان سێ تیرۆرست كوژران، كەیەكێكیان ناودارەو  ماوەیەكە هێزە ئەمنیەكان چاودێری وردی دەكەن.

تۆڕی هەواڵی جەنگی هێزە ئەمنیەكان لەدیالە رایگەیاندوە:" لەئۆپراسیۆنێكدا كە پشت بەستوو بەزانیاری وردی هەواڵگری بووە،لەناوچەیەكی باشوری ناحیەی بهرز دوو تیرۆرستی داعش كەوتوونەتە بۆسەوەو كوژراون".

لەلایەكی تریشەوە،  جەمال شمەری ئەندام لەئەنجومەنی ناحیەی كەنعان، رایگەیاندوە:" هێزە ئەمنیەكان  لەناوچەیەكی نزیكی ناحیەكە یەكێك لەتیرۆرستە دیارەكانی داعشیان كوشتووە".

باسی لەوەشكردوە:" ئەو تیرۆرستە دەستی لەچەندین كردەوەی تیرۆرستیدا هەبووە".

PUKmedia  داڕشتنەوە" سامان یاروەیس"