هەولێر.. 9 تووشبووی تری کۆرۆنا تۆمارکران

.

وەزارەتی تەندروستی حکومەتی هەرێمی کوردستان ئەنجامی پشکنینەکانی پارێزگای هەولێری راگەیاند، کە نۆ کەس تووشی کۆرۆنابوون.

دەقی راگەیەنراو: 

دەرەنجامی نوێ ...

لە بەردەوامی پشکنینەکان و گەڕان بەدوای گومانلێکراوان، نۆ تووشبووی دیکەی ڤایرۆسی کۆڕۆنای نوێ COVID-19 لە پارێزگای ھەولێر دەستنیشانکران، پیاوێكی تەمەن ٣٨ ساڵ و دوو ئافرەت تەمەن ٣٩ و ٣٢ ساڵ و یەک کچی گەنج تەمەن ١٥ ساڵ و دوو کوڕی گەنج تەمەن ١٧ و ١٦ ساڵ و سێ منداڵ تەمەن ١١ و ٧ و ٣ ساڵان.

پێنج تووشبوو لە خێزانێکن و کە لە ووڵاتی تورکیا گەڕاینەوە و لە کەڕەنتین دابوون و دانیشتووی شاری هەولێرن.

سێ تووشبوو بەرکەوتووی تووشبووانی پێشوون و دانیشتووی ناحیەی عەنکاوەن.

یەک تووشبووی دانیشتووی شاری هەولێر بەهۆی بوونی نیشانەکان دەستنیشانکرا.

وەزارەتی تەندروستی

٢٧ ئایار ٢٠٢٠

PUKmedia راگەیەنراو