هه‌ولێر.. كه‌سێك به‌ تۆمه‌تی دزیكردن ده‌ستگیر ده‌كرێت

.

له‌ راگه‌یه‌نراوێكی به‌ڕێوه‌به‌رایه‌تی پۆلیسی هه‌ولێر كه‌ ئه‌مڕۆ 25-5-2020، كۆپییه‌كی ده‌ست  PUKmedia كه‌وتووه‌ تێیدا هاتووه‌، دوابه‌دوای ئاگاداركردنه‌وه‌ی پۆلیسی هه‌ولێر له‌ حاڵه‌تێكی كونكردنی دیواری دوكانێك و دزیكردن له‌ كۆمه‌ڵگای قوشته‌په‌، به‌ فه‌رمانی به‌ڕێز به‌ڕێوه‌به‌ری پۆلیسی پارێزگای هه‌ولێر، ده‌ستبه‌جێ تیمێكی لێكۆڵینه‌وه‌ پێكهێنرا، كه‌ به‌ كه‌متر له‌ 6 سه‌عات توانرا كه‌سێك به‌ ناوی (ح.ع.ع) كه‌ عه‌ره‌به‌، به‌ تۆمه‌تی دزیكردن ده‌ستگیر بكرێت.

ئاماژه‌ی به‌وه‌شداوه‌، تۆمه‌تباری ناوبراو دانی نا به‌ تاوانه‌كه‌یدا، كه‌ هه‌ڵساوه‌ به‌ كونكردنی دیواری دوكانه‌كه‌ و كۆمه‌ڵێك مۆبایل و پاره‌ و كه‌لوپه‌لی دیكه‌ی بردووه‌، بۆیه‌ به‌پێی مادده‌ (446) له‌ یاسای سزادان، به‌ند كرا و درایه‌ دادگا، هه‌روه‌ها سه‌رجه‌م كه‌لوپه‌له‌كانیش ڕاده‌ستی خاوه‌نه‌كه‌ی كرانه‌وه‌.

PUKmedia پۆلیسی هه‌ولێر