عیراق بەرزترین حاڵەتی توشبون بەكۆرۆنا تۆماردەكات

.

لەعیراق بەرزترین حاڵەتی توشبون بەكۆرۆنا تۆماركرا كە 150 توشبوەو 4 حاڵەتی گیان لەدەستدان.

وەزارەتی تەندروستی و ژینگەی عیراق ئاماری توشبووانی بەكۆرۆنا راگەیاند و دەڵێت: بەپێی ئەنجامی پشكنینەكان ئەمڕۆ 150 حاڵەتی نوێی توشبوون بەكۆرۆنا و  4 حاڵەتی گیانلەدەستدان تۆماركراون و ئەوەش بەرزترین حاڵەتی توشبونە كە لەسەرەتا سەرهەڵدانی ڤایرۆسەكەوە تۆماركرا بێت.

تەندروستی عیراق رونیشكردۆتەوە لە 24سەعاتی رابردوودا سێ هەزار و 520 پشكنین ئەنجامدراوە و دەركەوتووە كە 150 كەسیان هەڵگری ڤایرۆسەكە بوون و تا ئێستاش 153 هەزار و 221 پشكنین ئەنجامدراون.

بەپێی راگەیەندراوەكەی تەندروستی لە ماوەی 24 سەعاتی رابرووشدا لەتەواوی ناوچەكانی عیراقدا 92 حاڵەتی چاكبوونەوەی توشبووانی كۆرۆنا تۆماركراون.

PUKmedia