عیراق.. ڤایرۆسی كۆرۆنا پڕۆسه‌ی گه‌ڕانه‌وه‌ی ئاواره‌كانی په‌كخستووه‌

.

ته‌شه‌نه‌كردنی ڤایرۆسی كۆرۆنا له‌ عیراق، پرۆسه‌ی گه‌ڕانه‌وه‌ی 62 هه‌زار ئاواره‌ی له‌ كه‌مپه‌كان بۆ زێدی خۆیان په‌كخستووه‌.

وه‌زاره‌تی كۆچ و كۆچبه‌رانی عیراق ڕایگه‌یاند: له‌ ساڵی ڕابردوودا 94 كه‌مپی ئاواره‌كان داخراون و 78 كه‌مپیش ماون كه‌ 62 هه‌زار ئاواره‌یان تێدایه‌ و له‌و ژماره‌یه‌ش 44 هه‌زاریان خه‌ڵكی شه‌نگال و شارۆچكه‌كانی (قه‌یراوان و به‌عاج و زوممار و ڕه‌بیعه‌)ن له‌ رۆژئاوای نه‌ینه‌وا، به‌ڵام به‌هۆی ته‌شه‌نه‌كردنی ڤایرۆسی كۆرۆنا پڕۆسه‌ی گه‌ڕانه‌وه‌یان بۆ زێدی خۆیان ڕاگیراوه‌.

ئاماژه‌ی بۆ ئه‌وه‌شكرد، سه‌ره‌ڕای مه‌ترسی ئه‌منی و ده‌ستپێكردنه‌وه‌ی جموجۆڵه‌كانی داعش و نه‌بوونی خزمه‌تگوزارییه‌كان، مه‌ترسی كۆرۆناش ڕێگرییه‌كی تره‌ كه‌ به‌هۆیه‌وه‌ نه‌توانراوه‌ ئاواره‌كان بگه‌ڕێنرێنه‌وه‌ بۆ ناوچه‌كانی خۆیان.

PUKmedia راگه‌یاندنه‌كانی عیراق