ڕاگه‌یه‌ندراوێك له‌ وه‌زاره‌تی ته‌ندروستی هه‌رێمه‌وه‌

.

وه‌زاره‌تی ته‌ندروستی حكومه‌تی هه‌رێمی كوردستان له‌ ڕاگه‌یه‌ندراوێكدا ڕایگه‌یاند  له‌ ئێستادا ته‌نها 11 تووشبوو به‌ كۆرۆنا له‌ نه‌خۆشخانه‌ ماونه‌ته‌وه‌ و ئه‌وانی دیكه‌ چاكبوونه‌ته‌وه‌ و گه‌ڕاونه‌ته‌وه‌ ناو ماڵ و حاڵی خۆیان.

 ڕاگه‌یه‌ندراوی وه‌زاره‌تی ته‌ندروستی ژماره‌ (٧٩):

سه‌باره‌ت به‌ نه‌خۆشی ڤایرۆسی كۆڕۆنای نوێ COVID-19 له‌ هه‌رێمی كوردستان، ڕێكاره‌كان به‌رده‌وامن به‌م شێوه‌یه‌:

1. كه‌ره‌نتین

تاوه‌كو ئه‌وڕۆ (١٠٥٨٨) هاووڵاتی "ئه‌وانه‌ی كه‌ له‌ ده‌ره‌وه‌ی ووڵات گه‌ڕانه‌ته‌وه‌ وه‌ ئه‌وانه‌ی كه‌ به‌ركه‌وته‌ی نه‌خۆشه‌ چه‌سپێنراوه‌كان" كه‌ڕه‌نتین كراون، له‌ئێستادا ته‌نها (٩٧٨) هاووڵاتی له‌ (٣٢) شوێنی جیاوازی كه‌ره‌نتین ماونه‌ته‌وه‌؛ (٤١١) له‌ هه‌ولێر، (١٣٦) له‌ سلێمانی، (٤٣٠) له‌ دهۆك، (١) له‌ ڕاپه‌رین. وه‌ (٩٦١٠) هاووڵاتی له‌ كه‌ره‌نتین ده‌رچوونه‌ و گه‌ڕانه‌وه‌ته‌ ناو خانه‌واده‌كانیان دوای ته‌واو كردنی ماوه‌ی ١٤ رۆژ وه‌ ئه‌نجامدانی پشكنینی تاقیگه‌یی بۆیان وپشتراستكردنه‌وه‌ی ئه‌وه‌ی كه‌ هه‌ڵگری ئه‌و نه‌خۆشیه‌ نین، له‌گه‌ڵ كه‌ڕه‌نتین كردنی ژماره‌یه‌كی تری هاووڵاتییان له‌ ٢٤ كاتژمێری ڕابردوودا كه‌ كۆی گشتیان (١٤٢) هاووڵاتی بوو.

2. پشكنین

له‌ماوه‌ی ٢٤ كاتژمێری ڕابردوودا؛ (١٤٥٠) پشكنین ئه‌نجام دراوه‌ له‌سه‌ر ئاستی هه‌رێمی كوردستان؛ (٦٣٧) هه‌ولێر، (٥١١) سلێمانی، (٢٥٢) دهۆك، (٥٠) هه‌له‌بجه‌ ده‌ره‌نجام هیچ تووشبووی نۆێ له‌ هه‌رێمی كوردستان تۆمارنه‌كراوه‌.
(كۆی گشتی ئه‌و پشكنینانه‌ی كه‌ ئه‌نجام دراوه‌ له‌ سه‌ره‌تای سه‌رهه‌ڵدانی ڤایرۆسی كۆڕۆنا (٥٦٤٥٢) پشكنین بووه‌)

3. ئاماری گشتی

كۆی گشتی تووشبووان به‌ ڤایرۆسی كۆڕۆنای نوێ COVID-19 له‌ هه‌رێمی كوردستان (٣٩١) تووشبوو، له‌نێویاندا (٥) مردن هه‌یه‌ و (٣٧٥) نه‌خۆش چاكبووه‌ته‌وه‌، وه‌ ئێستا ته‌نها (١١) نه‌خۆش له‌ژێر چاودێری پزیشكی دان.

وێڕای ده‌ستخۆشی بۆ پزیشكان و كارمه‌ندانی ته‌ندروستی و هه‌موو تیمه‌كانی پزیشكی كه‌ له‌ ئه‌ركدان، جارێكی داوا ده‌كه‌ین هاووڵاتیان پابه‌ندبن به‌ ڕێنماییه‌كانی ته‌ندروستی و دوركه‌وتنه‌وه‌ له‌ شوێنی قه‌له‌بالغ و دانانی ماسك و ده‌ستكێش، وه‌ له‌كاتی پێویستدا په‌یوه‌ندی بكه‌ن به‌ هێڵی گه‌رمی ژماره‌ (١٢٢).

وه‌زاره‌تی ته‌ندروستی
حكومه‌تی هه‌رێمی كوردستان
١٣ ئایاری ٢٠٢٠
PUKmedia