نادیه‌ موراد داواكارییه‌ك ئاڕاسته‌ی مسته‌فا كازمی ده‌كات

.

نادیه‌ موراد چالاكوانی كوردی ئێزیدی و باڵوێزی نیازپاكی له‌ نه‌ته‌وه‌ یه‌كگرتووه‌كان له‌ په‌یوه‌ندییه‌كی ته‌له‌فۆنیدا له‌گه‌ڵ مسته‌فا كازمی سه‌رۆك وه‌زیرانی نوێی عیراق پیرۆزبایی پێكهێنانی حكومه‌تی نوێی لێكردووه‌.

ئه‌مڕۆ چوارشه‌ممه‌ 13-5-2020 نادیه‌ موڕاد له‌ لاپه‌ڕه‌ی تایبه‌تی خۆی له‌ تۆڕی كۆمه‌ڵایه‌تی فه‌یسبووك نووسیویه‌تی: له‌په‌یوه‌ندییه‌كه‌یه‌دا له‌گه‌ڵ كازمی تاوتوێی چه‌ند  بابه‌تێكی گرنگیان كردووه‌، له‌وانه‌ جێبه‌جێ كردنی داواكاری خۆپیشانده‌ران، چونكه‌ ئه‌وان له‌پێناو داهاتوویه‌كی باشتر و پرشنگدار بۆ عیراق و خۆشگوزه‌رانی هاووڵاتیان، قوربانی گه‌وه‌ره‌یان به‌خشیوه‌.

هه‌روه‌ها له‌گه‌ڵ كازمیدا گفتوگۆی ئه‌وه‌مان كرد كه‌ پێویسته‌ هه‌لومه‌رج بڕه‌خسێنرێت تاوه‌كو ئێزیدییه‌كان و كه‌مینه‌كانی تر و ژنان له‌حكومه‌تی نوێی عیراقدا به‌شداربن.

نادیه‌ موڕاد به‌ كازمی راگه‌یاندووه‌  كه‌ پێویسته‌ به‌دواداچوون بۆ  ئه‌و هه‌زاره‌ها ژن و منداڵه‌ ئێزیدییه‌كان بكرێت كه‌ تائێستاش چاره‌نووسییان نادیاره‌.

نادیه‌ له‌باره‌ی ئاوه‌ره‌كانه‌وه‌، وتویه‌تی:پێویسته‌ ئاواره‌ ئێزیدییه‌كان به‌رێزه‌وه‌ بگه‌ڕێنه‌وه‌ بۆ ناوچه‌كانیان و خزمه‌تگوزارییه‌ سه‌ره‌كییه‌كان له‌قه‌زای شه‌نگال  دابینبكرێن و پاڵپشتی حكومه‌تی خۆجێیی ئه‌و قه‌زایه‌ بكرێت و سه‌قامگیریی و ئاسایش بۆ قه‌زاكه‌بگه‌ڕێنرێته‌وه‌، راشیگه‌یاندوه‌ كه‌ خوازیارن هاوكاری و هه‌ماهه‌نگی زیاتر هه‌بێت له‌پێناو خزمه‌تكردن به‌ سه‌رجه‌م هاووڵاتیانی عیراق.

 PUKmedia  تایبه‌ت