‎بافڵ تاڵه‌بانی سه‌ردانی كۆسره‌ت ڕه‌سولی كرد

.

ئێواره‌ی ئه‌مڕۆ سێشه‌ممه‌ 12-5-2020  له‌شاری سلێمانی كۆسره‌ت ڕه‌سول عه‌لی سه‌رۆكی ئه‌نجومه‌نی باڵای سیاسی و به‌رژه‌وه‌ندی یه‌كێتی نیشتمانی كوردستان پێشوازی كرد له‌ بافڵ تاڵه‌بانی هاوسه‌رۆكی یه‌كێتی نیشتمانی كوردستان.

دۆخی ناوخۆی یه‌كێتی له‌دوای كۆنگره‌، هه‌ماهه‌نگی و كاری هاوبه‌شی نێوان ئه‌نجومه‌نی باڵای سیاسی و به‌رژه‌وه‌ندی و ئه‌نجومه‌نی سه‌ركردایه‌تی، دۆخی كوردستان و عێراق و په‌یوه‌ندی نێوان لایه‌نه‌كان، ژیان و گوزه‌رانی خه‌ڵك و دابینكردنی مووچه‌ له‌لایه‌ن حكومه‌ته‌وه‌ گفتگۆی له‌باره‌وه‌ كرا.

كۆسره‌ت ڕه‌سول دووپاتی كرده‌وه‌ یه‌كێتی ڕۆڵی سه‌ره‌كی بگێڕێ له‌خزمه‌تكردنی كوردستانیان و پێشه‌نگ بێ له‌پاراستنی به‌رژه‌وه‌ندییه‌كانی گه‌لی كورد.

PUKmedia