خانه‌قین.. بوومه‌له‌رزه‌یه‌ك روویدا

.

ئه‌مڕۆ 52-5-2020، ده‌سته‌ی كه‌شناسی و بوومه‌له‌رزه‌زانی عیراق رایگه‌یاند كه‌ بوومه‌له‌رزه‌یه‌ك له‌ باشووری رۆژهه‌ڵاتی شاری خانه‌قین تۆماركراوه‌.

له‌ به‌یاننامه‌یه‌كدا كه‌ PUKmedia به‌دواداچوونی بۆ كردووه‌، ده‌سته‌ی كه‌شناسی و بوومه‌له‌رزه‌زانی عیراق ئاشكرای كردووه‌ كه‌ ئێواره‌ی ئه‌مڕۆ كاتژمێر 2:35 بوومه‌له‌رزه‌یه‌ك له‌گه‌یلان كه‌ 30 كیلۆته‌مه‌تر له‌شاری خانه‌قینه‌وه‌ دووره‌ روویداوه‌.

به‌یاننامه‌كه‌ ئاماژه‌ی به‌وه‌ش داوه‌ كه‌ گوڕی بوومه‌له‌رزه‌كه‌  3.4 پله‌ بووه‌ به‌پێوه‌ری رێخته‌ر و له‌دووری 30 كیلۆمه‌تر له‌باشووری رۆژهه‌ڵاتی شاری خانه‌قین به‌بێ ئه‌وه‌ی هاووڵاتیان هه‌ستیان پێكردبێت روویداوه‌.

 له‌لایه‌كی تره‌وه‌، ده‌سته‌ی كه‌شناسی و بوومه‌له‌رزه‌زانی عیراق له‌به‌یاننامه‌یه‌كدا ئاشكرای كردووه‌ كه‌ دوێنێ شه‌ویش بوومه‌له‌رزه‌یه‌ك له‌ قه‌زای زاخۆ روویداوه‌، به‌ڵام هیچ زیانێكی نه‌بووه‌.

PUKmedia تایبه‌ت