ئاگادارییەك لە وەزارەتی ناوخۆی حكومەتی هەرێمەوە

.

بە مەبەستی خۆپاراستن لە ڤایروسی كۆرۆنا و رێگرتن لە بەریەككەوتنی هاووڵاتیان كە هوكارە بۆ گواستنەوەی ڤایروسی كۆرۆنا، وەزارەتی ناوخۆ ئاگادارییەكی بڵاوكردەوە و رایگەیاند، سیستەمی رێگەپێدانی ئەلكترونی دامەزراند كە تا بەردەوامی قەدەغەی هاتووچۆ كارا دەبێت.

هاوكات وەزارەتی ناوخۆ چەند داواكارییەكیش ئاڕاستەی هاووڵاتیان دەكات كە بریتین لە:

1-داواكاری رێگەپێدانی پێویستە لە حاڵەتی زۆر پێویست بێت.

2-پێویستە شوفێر و سەرنشینان دەمامك و پەنجەوانە بەكاربهێنن لە كاتی گەشت كردن بە پێچەوانەوە رێگایان پێ نادرێت.

3- دەبێت زانیارییەكانی داواكراو بە دروستی پربكرێتەوە و هەر جیاوازییەك هەبێت لە زانیارییەكان رێگەپێدانەكە بە هەڵوەشاوە ئەژمار دەكرێت.

4- ئەم رێگەپێدانە ئاڵوگوری هێزە ئەمنییەكان ناگرێتەوە كە بە رێنمایی و رێكاری تایبەت ئاڵوگوریان پێ دەكرێت.

5- كاتژمیری كارابوونی رێگەپێدان لە گەیشتنی ئیمیلی رەزامەندی دەست پێدەكات.

PUKmedia راگەیاندنی وەزارەتی ناوخۆ