لەسەر کردنەوەی مزگەوتەکان بڕیاردرا

.

لێژنەی باڵای رووبەڕووبوونەوەی ڤایرۆسی کۆرنا لەسەر کردنەوەی مزگەوتەکان راگەیەنراوێکیان بڵاوکردەوە.

 دەقی راگەیاندراوەکە:

مامۆستایانی ئایینی بەڕێز ھاوڵاتیانی ئازیز دوای داواکاری ئێوەی بەڕێز دەربارەی کردنەوەی دەرگای مزگەوتەکان لەمانگی رەمەزانی پیرۆز دوای تاوتوێ کردنی ئەم بابەتە لەنێوان بەڕێز لێژنەی باڵای کۆرۆنا و بەڕێزان وەزیرانی ناوخۆ و وەزیری تەندروستی و وەزیری ئەوقاف وکاروباری ئایینی و پارێزگارەکان، بەباش نەزانرا دەرگای مزگەوتەکان لەم کاتەدا بکرێتەوە لەبەر ئەم سێ ھۆکارانەی خوارەوە: 

یەکەم:

چەند حاڵەتێکی نوێی ڤایرۆسی کۆرۆنا لەشارەکانی ھەرێم تۆمار کراوە، بۆیە نامانەوێ ئۆباڵی زیاترو زۆرتر تەشەنەکردنی پەتاکە بکەوێتە ئەستۆی مامۆستایانی ئایینی و مزگەوتەکان.

دووەم:

بۆ دروستنەبوونی جیاوازی پاراستنی کۆدەنگی دەرنەچوون لە ئیجماع رای زانایانی ئایینی بەڕێزو ئەنجوومەنی باڵای فەتوا بڕیارەکە سەرجەم مزگەوتەکانی ھەرێمی کوردستان دەگرێتەوە.

سێیەم:

ئەمە بابەتێکی تەندروستییە نابێت کەس پێی وابێ بە سیاسی کراوە، بەپێچەوانەوە خۆجیاکردنەوەو دەرچوون لەبڕیاری لیژنەی باڵا و دەستە جەمعی ھەرێمی کوردستان، دەبێتە جیاوازی و جیاکاری سیاسی و کۆمەڵایەتی. بۆیە داواکارین ئارام بگرن تاکو (10/5) نوێژو عیبادەت و خواپەرستی لە ماڵەکانمان بەڕێوەببەین.

لێژنەی باڵای رووبەڕووبوونەوەی ڤایرۆسی کۆرنا

30/4/2020

PUKmedia راگەیەنراو