زانكۆكانی هه‌رێمی كوردستان ده‌ست به‌خوێندن ده‌كه‌نه‌وه‌

.

بڕیاره‌ له‌هه‌فته‌ی داهاتووه‌وه‌ زانكۆكانی هه‌رێمی كوردستان ده‌ست به‌خوێندنی ئه‌لكترۆنی بكه‌ن و له‌و چواره‌چێوه‌یه‌شدا هه‌موو ئاماده‌كاریه‌ك كراوه‌.

له‌و باره‌یه‌وه‌ د. ره‌زا حه‌سه‌ن سه‌رۆكی زانكۆی سلێمانی به‌ PUKmedia ی راگه‌یاند: به‌پێی راگه‌یه‌نراوی وه‌زاره‌تی خوێندنی باڵا سه‌رجه‌م زانكۆكانی هه‌رێمی كوردستان له‌هه‌فته‌ی داهاتووه‌وه‌ ده‌ست به‌خوێندنی ئه‌لكترۆنی ده‌كه‌ن و زانكۆی سلێمانیش هه‌موو ئاماده‌كارییه‌كی له‌و چوارچێوه‌یه‌دا كردوه‌.

وتیشی: ئه‌و به‌شانه‌ی كه‌ وانه‌كانیان تیۆرییه‌ ده‌ست به‌خوێندنی ئه‌لكترۆنی ده‌كه‌ن و به‌پشتیوانی هه‌موو لایه‌ك رێگرده‌بین له‌فه‌وتانی خوێندنی ئه‌مساڵ.

له‌باره‌ی ده‌وامی فه‌رمانبه‌رانیش سه‌رۆكی زانكۆی سلێمانی وتی: ده‌ستپێكردنه‌وه‌ی ده‌وامی فه‌رمانبه‌ران په‌یوه‌ندی به‌ لیژنه‌ی باڵای به‌ره‌نگاربوونه‌وه‌ی كۆرۆناوه‌ هه‌یه‌ و تائێستا هیچ به‌رچاو روونیه‌ك نیه‌ كه‌ی ده‌وامی ئه‌وان ده‌كرێته‌وه‌.

PUKmedia دیار ستار