پەرلەمان لەسەر دواكەوتنی مووچە كۆدەبێتەوە

.

سەرۆكی پەرلەمانی كوردستان رایگەیاند: لە دوای 2ی ئایارەوە دانیشتنەكانی پەرلەمان دەستپێدەكاتەوەو ئەولەویەتی كارەكانییان پرسی موچە دەبێت.

رێواز فایەق سەرۆكی پەرلەمانی كوردستان لە كۆنفرانسێكی رۆژنامەوانیدا رایگەیاند: لە بەرنامەیاندایە راستەوخۆ دوای 2ی ئایار دەست بەدانیشتنەكانی پەرلەمان بكەنەوە، بەپابەندبوون بەڕێنماییە تەندروستییەكان، چونكە نزیكەی دوو مانگە وەرزی یاسادانان تێپەڕیوەو پێویستە دەست بەدانیشتن و كۆبوونەوەكان بكەنەوە.

وتیشی:ئەولەویەتی كارەكانیان لە پەرلەمان دیاریدەكەن سەرجەم فراكسیۆنەكانیش هاوڕان لەسەر ئەو پرۆژەیاسایانەی لە بەرژەوەندی خەڵك و بەهێزكردنی ئابوریی هەرێمە پەسەند بكرێن، بابەتی موچەش پرسێكی بنەڕەتییە بۆ ئەوەی كاری لەسەر بكەن، چونكە ئێستا هیچ شتێك لەپرسی تەندروستی و موچە گرنگتر نییە.

PUKmedia