مەڵبەندی هەولێر: لەگەڵ دەنگ و داواكاری هاووڵاتیان و كاسبكارانین
ی.ن.ک 03:51 PM - 2020-04-20.
مەڵبەندی 3ی هەولێری یەكێتی راگەیەنراوێكی بڵاوكردەوەو تیایدا سوپاسی كارمەندان و پزیشكانی وەزارەتی تەندروستی و هێزەكانی وەزارەتی ناوخۆو، هێزەكانی سەر بەوەزارەتی پێشمەرگە دەكات كە ئەركە قورسەكەیان كەوتبووە سەرشان و هاووڵاتیانش پابەندی رێنماییەكان بوون، دەشڵێت: ماوەی ئەم قەدەغە كاریگەری هەبووە لەسەر ژیانی هاووڵاتیان و چینی كرێكارو كاسبكاران تا كار گەیشتە ئاستێكی ترسناك و توانای زیاتریان نەماوە بەرگری بكەن و هاتونەتە دەنگ و ناڕەزایی دەربڕن و گردبوونەوە لەسەر شەقام، بۆیە ئێمەش لەگەڵ دەنگ و داواكاری ئەم توێژەین و ئاسانكارییان بۆ بكرێ بۆ دەستكردنەوە بەكاری رۆژانەیان.
بەیاننامەی مەڵبەندی ۳ی هەولێر
سەبارەت بە داواكاری هاوڵاتیانی كاسبكار و كرێكارانی شاری هەولێر ..
بەهۆی ڤایرۆسی كۆرۆناوە حكومەتی هەرێم بۆ پاراستنی گیانی هاووڵاتیان و بەرانگاربوونەوەی ئەم پەتایە، بڕیاری قەدەغەی هاتووچۆی دا تاكو گیانی هاونیشتمانان بپارێزرێ.
لەماوەی ئەم قەدەغەشدا، توانرا كۆنترۆڵكردنی بەرچاوو لە ئاسایشی تەندروستی شارەكەمان دابین بكرێ. بۆیە ئێمە وەك مەڵبەندی ۳ی هەولێری یەكێتیی نیشتمانیی كوردستان سوپاس و پێزانیمان ئاڕاستەی گشت كارمەندان و پزیشكانی وەزارەتی تەندروستی و هێزەكانی وەزارەتی ناوخۆ و، هێزەكانی سەر بەوەزارەتی پێشمەرگە دەكەین ، كە ئەم ئەركە قورسە كەوتبووە سەرشانی ئەوان، پێشمەرگانە بەرەنگاری ئەم پەتایە بوونەوە بۆ پاراستنی گیانی هاووڵاتیان، هەروەها دەست خۆشی لە هاووڵاتیان دەكەین بەپابەندبوونیان بەڕێنماییەكان .
ئێستاش ماوەی ئەم قەدەغەیە پێ لە ٤۰ رۆژ زیاتر دەنێ، گومانی تێدا نیە كاریگەری هەبووە لەسەر ژیانی هاووڵاتیان، چونكە ژیان لەو ماوەیە وەستا، كەسابەت نەما، بەڵام رەچاوی تەندروستی گشتی كرا بەپابەندبونی رێكارییەكان، ئەمەش كاریگەری زۆری كردە سەرچینی كرێكارو كاسبكاران تا كار گەیشتە ئاستێكی ترسناك، توانای زیاتریان نەماوە بەرگری بكەن و هاتونەتە دەنگ و ناڕەزایی دەربڕن و گردبوونەوە لەسەر شەقام، چونكە ئەم سێكتەرە باری گوزەران و داراییان بەندە بەكاری رۆژانەیان، هەر بۆیە لەم رۆژانەدا كاسبكارانی سەنتەری بازرگانی شاری هەولێرو بازاڕی نیشتمان و داون تاون و پیشەسازو باكور و باشور خوپیشاندانیان ئەنجامداو داواكاریان ئەبوو دەست بكەنەوە بەكەسابەت بۆ دابینكردنی بژێوی ژیانیان .
بۆیە داواكارین لە لیژنەی باڵای بەرنگاربوونەوەی پەتای كۆرۆنا لەكاتی پێداچونەوەیان بەڕێنمایەكان، ئاسانكارییەك بۆ كاسبكاران و كرێكاران بكرێ بۆ دەستكردن بەكاری رۆژانەیان بەڕەچاوكردنی پابەندبوونی مەرجی ڕێكارە كارگێڕی و تەندروستییەكان .
هەر بۆیە ئێمەش لەگەڵ دەنگ و داواكاری ئەم توێژەین ، بەڵام بە مەرجی پابەند بوونیان بە رێكارە تەندروستیەكان و خۆپارێزی گیانی خۆیان و هاووڵاتیان...
لێپرسراوی مەڵبەندی ۳ی هەولێر
د. رێبوار اسماعیل
۲۰/٤/۲۰۲۰
هەواڵی زیاتر
-
بازرگانێکی نێودەوڵەتی ماددەی هۆشبەر دەستگیردەکرێت
09:06 PM - 2024-05-04 -
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03
ئەمانەش ببینە
سەرۆک بافڵ دەچێتە ئەمریکا
05:24 PM - 2024-05-04
قوباد تاڵەبانی بۆ وەفدێکی سێناتی ئەمریکا: دواخستنی هەڵبژاردن زیانە بۆ هەرێم
04:03 PM - 2024-05-04
کۆمسیۆن لە 90٪ی ئامادەکارییەکانی هەڵبژاردن تەواودەکات
10:53 AM - 2024-05-04
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
05:23 PM - 2024-05-03
زۆرترین خوێنراو
-
بازرگانێکی نێودەوڵەتی ماددەی هۆشبەر دەستگیردەکرێت
کوردستان 09:06 PM - 2024-05-04 -
وەفدێکی یەکێتی گرێبەستی کشتوکاڵی و وەبەرهێنان لە دوبەی ئیمزا دەکات
کوردستان 07:34 PM - 2024-05-04 -
شاڵاو کۆسرەت رەسوڵ بەشداری لە ژمارەیەک پرسە دەکات
پرسەنامە 06:34 PM - 2024-05-04 -
سەرۆک بافڵ دەچێتە ئەمریکا
کوردستان 05:24 PM - 2024-05-04 -
هاوخەمی کۆسرەت رەسوڵ بۆ بنەماڵەی مامۆستا جەلال
پرسەنامە 04:13 PM - 2024-05-04 -
قوباد تاڵەبانی بۆ وەفدێکی سێناتی ئەمریکا: دواخستنی هەڵبژاردن زیانە بۆ هەرێم
کوردستان 04:03 PM - 2024-05-04 -
کۆمسیۆن لە 90٪ی ئامادەکارییەکانی هەڵبژاردن تەواودەکات
کوردستان 10:53 AM - 2024-05-04