شارەزایانی چین بۆ روبەڕوبوونەوەی كۆرۆنا سەردانی سلێمانی دەكەن

.

كۆنسوڵی چین لە هەرێم بەمەبەستی گەیاندنی هاوكاری تەندروستی سەردانی سلێمانی كرد و رایگەیاند، پەیوەندی چین و سلێمانی پەرەپێدەدەین و ئەو پەیوەندییە پتەوەی لەنێوان هەرێم و چین هەیە مام جەلال داڕێژەری بووە.

ئەمڕۆ سێ شەممە 14-4-2020، كۆنسوڵی چین لە هەرێم بەمەبەستی گەیاندنی هاوكاری تەندروستی سەردانی سلێمانی كرد و لەلایەن مستەفا چاوڕەش فەرماندەی هێزەكانی 70 ی پێشمەرگەوە پێشوازی لێكرا و لە كۆنگرەیەكی رۆژنامەوانیشدا رایگەیاند: پەیوەندییەكی دۆستانەمان لەگەڵ حكومەت و گەلی چین هەیە و بەردەوام هاوكاری گەلی كورد بوون.

هاوكات كۆنسوڵی چین لە هەرێم رایگەیاند: شارەزایانی چین بەمەبەستی رووبەڕوبوونەوەی ڤایرۆسی كۆرۆنا سەردانی سلێمانیان كردووە و لەو چوارچێوەیەشدا 40 هەزار دەمامكمان پێشكەشی دەزگای تەندروستی پێشمەرگە كردووە.

راشیگەیاند: سەرۆك مام جەلال لای گەلی چین زۆر خۆشەویستە و ئەو پەیوەندییە پتەوەی لەنێوان هەرێم و چین هەیە مام جەلال داڕێژەری بووە و دەمانەوێت پەیوەندییەكانمان لەگەڵ سلێمانی پتەوتر بكەین.

وتیشی: تیمێكی تەندروستی چین رەوانەی هەرێم كراوە بۆ رووبەڕوبوونەوەی ڤایرۆسی كۆرۆنا و هاوكارییەكانی چینیش بەردەوامدەبێت، هاوكات 16 تۆن هاوكاری پزیشكیمان رەوانەی عیراق كردووە.

كۆنسوڵی چین لە هەرێم راشیگەیاند: پەیوەندی چین و هەرێم لەسەر دەستی سەرۆك مام جەلال بووندیادنراوە و پەیوەندی چین و سلێمانی پەرەپێدەدەین.

PUKmedia جەعفەر جەلالی

لینكی یارمەتیدەر بۆ بینینی كۆنگرە رۆژنامەوانییەكە....