گوندێكی شه‌هبا له‌ ڕۆژئاوای كوردستان كه‌ره‌نتینه‌ ده‌كرێت

.

خۆبه‌ڕێوه‌به‌ری خۆسه‌ری ڕۆژئاوای كوردستان ڕێوشوێنی توند بۆ ڕووبه‌ڕووبوونه‌وه‌ی كۆرۆنا ده‌گرێته‌به‌ر و له‌ ناوچه‌ی شه‌هبا گوندێك كه‌ره‌نتینه‌ ده‌كات.

 جوان مسته‌فا هاوسه‌رۆكی ده‌سته‌ی ته‌ندروستی باكوری ڕوژهه‌ڵاتی سوریا ڕایگه‌یاند: حكومه‌تی سوریا بۆ ڕووبه‌ڕووبوونه‌وه‌ی كۆرۆنا هیچ هه‌ماهه‌نگیه‌ك له‌گه‌ڵ ڕۆژئاوا ناكات و دوای پشكینینی سه‌ربازێكی سوپای سوریاش به‌ گومانی تووشبوون به‌ كۆرۆنا، گوندی ئۆم ئه‌لحۆش له‌ شه‌هبا خراوه‌ته‌ ژێر كه‌ره‌نتینه‌.

به‌ڕێوه‌به‌ری ته‌ندروستی قامیشلۆش ئاشكرایكرد، 65 كه‌س له‌ قامیشلۆ كه‌ره‌نتینه‌كراون كه‌ سه‌رجه‌میان خوێندكارن و له‌ دیمه‌شق گه‌ڕاونه‌ته‌وه‌. ئه‌مه‌ له‌ كاتێكدایه‌ ده‌سته‌ی ته‌ندروستی ڕۆژئاوا هیچ حاڵه‌تێكی تووشبوونی به‌ ڤایرۆسی كۆرۆنا ڕانه‌گه‌یاندووه‌.

PUKmedia ئاژانسه‌كا^ن