سه‌رۆكی هه‌رێم سه‌ره‌خۆشی له‌بنه‌ماڵه‌ی دوو شه‌هیده‌كه‌ی كوڵه‌جۆ ده‌كات

.

به‌بۆنه‌ی شه‌هیدبوونی دوو پێشمه‌رگه‌ی قاره‌مان له‌سنووری شارۆچكه‌ی كوڵه‌جۆ، نێچیرڤان بارزانی په‌یامێكی سه‌ره‌خۆشی ئاڕاسته‌ی بنه‌ماڵه‌ی ئه‌و دوو شه‌هیده‌ ده‌كات كه‌ ئه‌مه‌ ده‌قه‌كه‌یه‌تی:

پرسه‌ و سه‌ره‌خۆشی له‌ خێزان و كه‌سوكاری هه‌ردوو شه‌هیدی پێشمه‌رگه‌ی قاره‌مان سوركێو ڕه‌شید و ئیسماعیل فارس ده‌كه‌م ‌كه‌ شه‌وی ڕابردوو له‌ سنووری شارۆچكه‌ی كوڵه‌جۆ له‌ گه‌رمیان له‌ ڕووبه‌ڕووبوونه‌وه‌یه‌كدا له‌گه‌ڵ تیرۆرستانی داعش گیانیان به‌خشی و شه‌هید بوون.

هاوسۆز و هاوبه‌شی خه‌میانم، خوای مه‌زن گیانی شه‌هیدان شاد بكات و سه‌بووری به‌ خێزان و كه‌سوكاری سه‌ربه‌رزیان ببه‌خشێت.

نێچیرڤان بارزانی
سه‌رۆكی هه‌رێمی كوردستان

PUKmedia