تەندروستی گەرمیان چەند بڕیارێك دەردەكات

.

لەكۆبونەوەی هەفتانەی لیژنەی بەڕەنگاری كۆرۆنای سەربە تەندروستی گەرمیان، چەند بڕیارێك بۆ بەڕێوەچوونی كاروبارەكانیان دەركرا.

راگەیاندنی تەندروستی گەرمیان لەوباریەوە بڵاویكردوەتەوە:" لە كۆبونەوەی ھەفتانەی لیژنەی پێشگیریی كۆرۆنای سەر بە تەندروستی گەرمیان، چەند بڕیارێك دەركرا بۆ باشتر بەڕێوەچونی ئیشوكارەكان.

رونیشكراوەتەوە:" لە كۆبونەوەكەدا بڕیاردرا كە ژمارەی پشكنینەكان و وەرگرتنی نمونە بۆ پشكنینی ڤایرۆسی كۆرۆنا زیاد بكرێت و لە شوێن و ناوچەی جیاوازی گەرمیان نمونە وەربگیرێت، بەمەبەستی دڵنیابونەوە و پێشگیریی لە ھەر حاڵەتێك.

ئاماژە بەوەشدراوە:" ھەروەھا بڕیاردرا كە كۆگاكانی نەشتەرگەری نەخۆشخانەكانی سنورەكە یەك بخرێن و بتوانرێت پێداویستی نەشتەرگەریی بۆ ھەموان بەردەست بكرێت و نەشتەرگەرییەكان نەوەستن.

ئەوەشخراوەتەڕوو:" لەبەشێكی تری كۆبونەوەكەدا بڕیاردرا كە لەگەڵ نزیك بونەوەی وادەی كۆتاییھاتنی كارەكانی دروستكردنی نەخۆشخانەی قەڵای تایبەت بە كۆرۆنا، ئامادەكارییەكانی كارگێڕیی و بەڕێوەبردن دەستپێبكرێت ھاوشان لەگەڵ نەخۆشخانەی گشتی كەلار، بۆ ئەوەی لەگەڵ رادەستكردنی بیناكە بە تەندروستی گەرمیان، نەخۆشخانەكە بكرێتەوە.

PUKmedia راگەیەنراو